Сардор Мирзаев ўз вақтида Тошкентнинг "Локомотив" жамоаси билан Ўзбекистон чемпионати ва Ўзбекистон Кубогида совринга эга чиққан футболчи ҳисобланади. У фаолияти давомида "Нефтчи" (Фарғона), "Локомотив" (Тошкент) ва "Муангтонг Юнайтед" (Таиланд) жамоаларида тўп тепган.
Сардор Мирзаев ўтган мавсум "Муангтон Юнайтед" сафида 30 та ўйинда майдонга тушиб, 5 та тўп киритган ҳамда шерикларига 5 та голли пас узатган. Бутун фаолияти давомида эса футболчи 244 та учрашувда 63 та гол урган ва 27 та голли узатма берган.
