UZ

Сўнгги янгиликлар

Қўшалоқ байрам муборак бўлсин, Улуғбек Мирзаев Янгиликлар

Қўшалоқ байрам муборак бўлсин, Улуғбек Мирзаев

Бугунги санада ўз таваллуд айёмларини нишонлаётган кенг футбол жамоатчилиги вакилларини ҳаётларидаги унутилмас сана билан муборакбод этишда давом этамиз.

Айниқса, бугун туғилган кунини нишонлаётган ҳамюртларимиз учун бу қўшалоқ байрам. 1 октябрь - Ўқитувчи ва мураббийлар кунида таваллуд айёмини оила аъзолари даврасида нишонлашнинг файзи бўлакча бўлади. 

Ана шундай бахтиёр инсонлар қаторида таниқли футбол мутахассиси Улуғбек Мирзаев ҳам бор. Улуғбек Абдусатторович бугун 42 ёшга тўлдилар. Тошкент молия институтида таҳсил олган бугунги қаҳрамонимиз футболга қизиқиши сабаб ўзини ҳисоб-китоб ёки менежмент оламида эмас, умуман тескари соҳа - журналистикада синаб кўрди. Бу уриниш эса кутилганидан ҳам яхши самара берди. У бир неча йил давомида "Пахтакор" клуби матбуот хизматида ишлади. Ўз мақолалари билан "Интерфутбол" ва бошқа футбол нашрларида чиқиш қилди. Маълум муддат ўзи туғилиб ўсган Андижон вилоятининг бош жамоаси - "Андижон"да спорт директори лавозимида меҳнат қилди. 

2019 йил эса Улуғбек Мирзаевнинг ҳаёти ва фаолиятида туб бурилиш билан бошланди. Фаолиятини журналистикадан бошлаган Улуғбек ака 2019 йил 8 январь куни бироз кутилмаганда "Бунёдкор" профессионал клуби бош директори этиб тайинланди. Тан олиш керак, ўша пайтда "Бунёдкор" жамоаси қийин даврни бошдан кечираётган, клубда молиявий муаммолар юзага келган эди. Соҳани ичидан яхши билгани учун бугунги қаҳрамонимиз янги иш жойида ўзини йўқотиб қўймади. Қисқа фурсат ичида жамоадаги муаммолар барҳам топиб, вазият ижобий томонга ўзгара бошлади. Сергей Лушчан ва клуб ўртасида узоқ вақт давом этган суд жараёни ҳам айнан Улуғбек Мирзаевнинг саъй-ҳаракатлари билан "Бунёдкор" фойдасига ҳал бўлди. Шунингдек Сергей Симомненко ҳамда Ривалдо масаласига ҳам барҳам берилди. Клуб бир қисқа фурсатда аввалги мавқеини тиклай олди. Халқаро алоқалар ўрнатилди, маркетинг борасида ҳам олдинга силжиш кузатилди. Жамоага тажрибали мутахассис Вадим Абрамов бош мураббий этиб тайинланди. Чемпионатдаги энг ёш таркиб билан Суперлигада қатнашган "қалдирғочлар" якунда бронза медалларига эга чиқишди.

Улуғбек Мирзаев оилапарвар инсон. У турмуш ўртоғи билан 4 нафар фарзандни тарбиялаяпти. Укаси Баҳодир Мирзаев эса ҳозирда пойтахт вилоятининг АГМК жамоасида спорт директори лавозимида ишлаяпти. Укаси ҳам ўз вақтида футболга оид мақолалари билан турли нашрларда чиқиш қилган. Умуман олганда, футболга ошуфта оила!

Сайтимиз ходимлари номидан Улуғбек Мирзаевга соғлик ва саломатлик, омад ва оилавий хотиржамликни тилаб қоламиз!

Рейтинг: +5   

Фикрлар

+1   
01 окт 13:21:27
Aloliddin
Ulugbek aka Andijonga qaytsa zor bolardi
+1   
01 окт 10:53:15
Азамат Одилов
Аййомингиз муборак булсин!
   
01 окт 16:02:34
Бавария Мюнхен
Табриклемиз бир пайтлар Узбекистондаги энг оммабоп футбол нашри булган ФЭда ишлаган, ФЭ хозирги са эди мисоли, укаси эса футболданам кура теннисга қизиқарди елкасига ракетга осволиб кортга борарди қанақа қиб футболга қизиқиб қолди хайронман
   
01 окт 11:17:36
Akbar Qirol
AYNAN WUNAQA INSONLA OZBE FUTBOLINI YUQORI DARAJAGA OB 4IQADI. BARAKALLA ULUGBEK AKA. AYOMIZ BN
   
01 окт 10:30:52
BUTU
Kim u? U.Mirzayev. Ca xodimlari otanglarmi?
   
01 окт 10:25:28
Aspire
Shu maqolani ôtkan yiliyam ôqigandim
-1   
01 окт 14:29:19
Lobos blancos
Ulug'bek Mirzaevning agentlik faoliyati haqida ham yozingsizlar CA xodimlari
-1   
01 окт 13:37:43
mtj
Ulug'bek Mirzaev xozirgi kunda O'zbek Futboli uchun kerak bo'lgan muhum shaxslardan biri !
U, o'hshab tinimsiz bo'lar bo'lmas chiqishlar qilmaydi, o'zini qilgan ishini maqtamaydi !
uni ishdan Olinishiga Sabab esa Oddiy: Korrupsiya qarshi chiqgano, Davlat aktivkarifa klublarni o'tqazilishiga Sog'lom fikr bildirgani va aynan shu paytda bundan ba'zi-bir Xaromxo'rlar o'z manfaatlari yo'lida foydalanib qolishdi !!!

Xaqiqat egiladi bukiladi, lekin SINMAYDI !!!
In Sha Alloh Mirzaevdek mutaxassis tez orada O'zbek Futboliga qaytadi !
-1   
01 окт 12:15:29
Shodlik
Ulugbek Mirzaev Bunyodkor klubi direktori edi bu klub 2 yil oldin qo'pol qilib etganda Itgayam keremasidi sababi klubi qarzdorligi kotta edi Ulugbek Mirzaev raxbar bo'lib akademiya futbolchilari bilan klubi botqoqdan opchiqdi Jasur Jaloliddinovi sotganidan kegin klub budjetida pul bo'ldi va teglariga suv quyishdi ana klub yana qarzga kirdi Ulugbek Mirzaev oddiy inson xattoki moshinalari yo'q afsus shundo raxbari tegiga suv quyishdi
-1   
01 окт 11:20:40
ФАРРУХ-ШОМА
Aspire фойдаланувчининг фикрига жавоб бериш
Shu maqolani ôtkan yiliyam ôqigandim
Neujeli
championat.asia
< сўнгги янгиликларни кўриш
Яндекс.Метрика