Прокуратура ПСЖга нисбатан тергов бошлади
08 фев 2023 11:12
Янгиликлар

Прокуратура ПСЖга нисбатан тергов бошлади

Теглар : ПСЖ Носир Ал Ҳелайфи Париж прокуратураси

Париж прокуратураси "Пари Сен-Жермен" ва клуб президенти Носир Ал Ҳелайфига нисбатан дастлабки терговни бошлади, деб хабар берди "L'Equipe".

Текширувга 2022 йил декабрь ойида Ал Ҳелайфийнинг собиқ маслаҳатчиси Ҳишам Буахила томонидан берилган шикоят сабаб бўлган. Унга кўра, у кўп йиллар давомида ПСЖда ишлаган, бироқ унинг маошини у билан ҳеч қандай алоқаси бўлмаган Доҳадаги "Smash" теннис академияси тўлаган. Ҳишам теннис ҳам ўйнамаган.

Кўриб чиқилаётган шартнома 2015 йил июль ойида таклиф қилинган "теннис ўқитувчиси" лавозими учун имзоланган ва номаълум муддатга амал қилиши керак эди. Тергов ишлари клуб қароргоҳи жойлашган Парижнинг 16-округи полиция бўлимига топширилди.

"L'Equipe" журналисти ПСЖ билан боғланганида, унга Буахила ҳеч қачон клубда ишламаганини айтишган.

Ҳавола :

Манба : L'Equipe

Янгиликларни Телеграмда ўқинг!

Рейтинг: +5