UZ

Сўнгги янгиликлар

10:37Карикатура: МЮ Англия жамоалари орасида трансферлар ойнасида етарли даражада фаол эмас  0 10:13"Барселона" Дестнинг трансферини келаси ҳафта бошида амалга оширади  0 09:55Габи Жезус бир ойга сафдан чиқди   3 09:40“Ювентус”га Кьеза керак   3 09:32Coca Cola Суперлига. Бугун "Насаф" Наманганда, "Қизилқум" Олмалиқда меҳмон бўлади  19 09:25“Ман Сити” ва “Милан” қизиқиш билдирган футболчи “Монако”га ўтди   1 09:10ПСЖга “Торино” футболчиси керак   0 08:52Ауар “Арсенал”га ўтишга рози бўлди   4 08:46Хинтереггер Бундеслигада антирекорд қайд этди   0 08:34Диего Симеоне коронавирусдан тузалди   1 08:10“Манчестер Сити” тўртинчи либосини тақдим этди. Унда футболчилар ўйнамайди   1 08:05Бугун 22:45. "Пахтакор" - "Истиқлол"  36 07:50Лига 1. "Лилль" - "Нант" 2:0  0 07:45Бундеслига. "Герта" - "Айнтрахт" 1:3  0 07:00Eplmanager.com. Бугун "Open Asia Championship V" совринли лигаси старт олади  1

"Порту" стадионига саёҳат! Янгиликлар

"Порту" стадионига саёҳат!

"Порту" - "Краснодар" учрашуви олдидан мезбон жамоа стадиони томон саёҳатга нима дейсиз?

"Драгао" стадиони ташқи кўринишидан ўзгача эмас, ажойиб инфраструктурага эга оддий стадион. Арена савдо марказига яқин жойда ва метро бекати қаршисида қад ростлаган. Шу сабабли, стадионга бориш жуда осон.

"Драгао"нинг ёнида ёшлар жамаоси ўйнайдиган кичик стадион ҳам бор: ушбу жамоанинг ҳам мухлислари талайгина ва ўйин кунлари севимли жамоасини қўллаб-қувватлаш учун маҳаллий мухлислар аренада жам бўлишади. Бундай ҳолатни унча-мунча ёшлар жамоаси стадионида учратмайсиз!

Умуман олганда, "Порту" ҳамда "Бенфика" мухлислар билан қандай ишлаш кераклиги бўйича талайгина клубларга намуна бўла олади.

Порту шаҳридаги стадион музейи очилганига кўп бўлмади: 2013 йил сентябрда, холисона қарасангиз стадионга гап йўқ!

Стадионга кириш ана шундай ўзига хос, такрорланмас қилиб қурилган. Бунда қуйидаги "инсонлар" улкан ҳисса қўшган бўлиб, сиз илк қадамларингиздан мозийнинг машҳур бир бўлагига тегиб ўтгандек бўласиз.

Унда нафақат футболга, балки спорт ушбу турининг барча деталларига катта эътибор қаратилган. Жуда кўп совринлар, қизиқарли экспонатлар, турли артефактлар, махсус кинотеатр ва ҳаттоки Питербургнинг "Зенит" клуби сафида ўйнаган, бугунги кунда Ўзбекистон миллий терма жамоаси сардори Одил Ахмедов билан бир клубида тўп тепаётган бразилиялик ўйинчи — Халкнинг ҳам ҳайкали мавжуд.

Ҳар бир соврин ёнида ўша мукофотга оид маълумот, видеолар акс этган махсус экранлар мавжуд.

Албатта, музейда ҳаммага маълум ва машҳур Чемпионлар Лигаси бош соврини учун ҳам жой топилган. Ҳа яна бир гап: бу ерда футбол клубини шаҳардан ажратиб бўлмайди.

Қуйидаги суратда Халк ҳайкалини кўришингиз мумкин. Шунингдек, унинг атрофида Португалия клуби муваффақиятларига катта ҳиссасини қўшган яна ўндан ортиқ футболчиларнинг фигуралари бор.

Чипта нархи — 15 евро (стадион бўйлаб экскурсия ҳам шунинг ичида). "Да Луш"даги экскурсиядан фарқли ўлароқ, бу ерда сиз гид билан биргаликда юрасиз. Бир тарафдан, бу бироз ноқулай: кўп вақтингиз музейда ўтиб кетади. Бироқ бошқа томондан, жуда қизиқарли ва фойдали маълумотларни билиб олишингиз мумкин.

Экскурсия давомида жамоалар кийниш хонасига киришингиз, президент ложасига ташриф буюришингиз, жамоа клуб автобусида сафар ўйинларига жўнаб кетадиган жойни томоша қилишингиз мумкин. Ана шундай кунларда мухлислар севимли жамоаларини олқишлаб, омад тилаб, шовқин-суронда кузатиб қўйишларини алоҳида таъкидлаб ўтиш жоиз.

Агар Порту шаҳрига борсангиз, албатта "Драгао" стадионига ташриф буюринг. Кетган вақтингиз ва нақдингизга ачинмайсиз!


Нозима Зарипова таржимаси

Рейтинг: +20   

Фикрлар

championat.asia
< сўнгги янгиликларни кўриш
Яндекс.Метрика