Паоло Мальдинининг ўғли Италия термаси сафида дебют қилиши мумкин
01 окт 2024 12:26
Янгиликлар
Паоло Мальдинининг ўғли Италия термаси сафида дебют қилиши мумкин
"Монца" ярим ҳимоячиси Даниэль Мальдини яқин орада Италия термаси сафида майдонга тушиши мумкин.
"Скуадра адзурра" устози Лучано Спаллетти 22 ёшли ярим ҳимоячини Миллат Лигаси доирасидаги Бельгия (10 октябрь) ва Исроилга қарши (14 октябрь) учрашувлар учун чақирилган футболчилар рўйхатига киритган. Бу ҳақида инсайдер Николо Скира хабар берди. Даниэль Мальдини Италия ёшлар терма жамоаси сафида ўйинлар ўтказган, аммо миллий термага ҳали чақирилмаган эди.
Жорий мавсум хавбек "Монца" сафида А Сериянинг 6 учрашувида 1 та гол урди ва 1 та голли узатмага муаллифлик қилди.
Эслатиб ўтамиз, Даниэлнинг отаси Паоло Мальдини 1987 - 2002 йиллар оралиғида Италия терма жамоаси либосида 126 ўйин ўтказган.

Ўхшаш янгиликлар
championat.asia
ЕЧЛ. "Реал Мадрид" ўз уйида "Манчестер Сити"га ютқазди
Ла Лига. Рафиньянинг дубли "Барселона"га "Осасуна" устидан ғалабани тақдим этди
ФИФА Туркий давлатлар Кубоги. Қулоққа қандай эшитилади?
Роналду дунёнинг машҳур фильмида роль ўйнайди
Фикрлар