UZ

Сўнгги янгиликлар

Ўртоқлик учрашуви. Ўзбекистон ОТЖ - Миср ОТЖ - 3:2 Янгиликлар

Ўртоқлик учрашуви. Ўзбекистон ОТЖ - Миср ОТЖ - 3:2

Ўзбекистон ва Миср олимпия терма жамоалари ўртасидаги ўртоқлик учрашуви бўлиб ўтди.


Ўйиннинг 16-дақиқасида Осама Жалол ўз жарима майдони ичида Миржаҳон Мираҳмадовни йиқитгани учун пенальти белгиланди. Исломжон Қобилов пенальтидан гол урди - 1:0. 

36-дақиқа. Нурилло Тўхтасиновнинг зарбасини дарвозабон бартараф этди. Биринчи тайм охирида Омар Салаҳнинг зарбаси ноаниқ кетди. 

Биринчи бўлимда бошқа гол урилмади.

52-дақиқада мисрликларнинг навбатдаги ҳужумларидан сўнг, тўпни дарвозабон Умид Эргашев қайтариб, майдон ташқарисига чиқариб юборди. 55-дақиқада меҳмонларнинг яна бир хавфли ҳужумларини дарвозабон Умид Эргашев бартараф  этди.

58-дақиқада Бобир Абдухолиқов томонидан оширилган тўпни Азизжон Ғаниев 25 метрлар чамаси узоқликдан дарвозага аниқ йўллади - 2:0.

65-дақиқада Шароф Муҳитдиновнинг тўп узатишидан кейин Бобир Абдухолиқов бўш дарвозага гол урди - 3:0. 

82-дақиқада Аҳмад Ёсир ҳисобни қисқартирди - 3:1. 

90+4-дақиқада Муҳаммад Абдулсалом бурчак тўпида сўнг боши билан гол урди - 3:2. 

Ўйинда Ўзбекистон олимпия терма жамоаси 3:2 ҳисобида ғалаба қозонди.


Ўртоқлик ўйини
Ўзбекистон ОТЖ - Миср ОТЖ - 3:2
11 июнь, Наманган, "Марказий" стадиони.
Ҳакамлар:
Жасур Мухторов, Алишер Усмонов, Санжар Шоюсупов, Иброҳим Исмоилов (барчаси Ўзбекистон).

Голлар: Исломжон Қобилов 17 пенальти, - 1:0. Азизжон Ғаниев 58, - 2:0. Бобир Абдихолиқов 66, - 3:0. Аҳмад Ёсир 82, - 3:1. Муҳаммад Абдулсалом 90+4, - 3:2.

Ўзбекистон ОТЖ: 1.Умид Эргашев, 2.Ислом Қобилов, 5.Дилшод Саитов, 6.Азиз Ғаниев (4.Абдулла Абдуллаев, 90+2), 7.Шароф Муҳитдинов, 8.Нурилло Тўхтасинов (17.Жасур Жалолиддинов, 83), 10.Бобир Абдихолиқов (9.Асадбек Собиржонов, 70), 11.Миржаҳон Мираҳмадов (13.Шоҳруҳ Абдураҳмонов, 90), 14.Аброр Исмоилов, 20.Ҳусниддин Ғофуров, 22.Санжар Қодирқулов (3.Аббос Ғуломов, 75)
Захира: 12.Низомиддин Зиёвуддинов, 21.Умид Ҳамроев, 15.Ойбек Рустамов, 16.Азиз Амонов, 18.Ҳусниддин Алиқулов, 19.Илҳом Алижонов, 23.Ойбек Бозоров

Миср ОТЖ: 23.Муҳаммад Собҳи, 2.Карим Яҳё (25.Аҳмад Саид, 46), 4.Осама Жалол, 6.Муҳаммад Собир (3.Муҳаммад Айман, 73), 8.Носир Маҳер, 11.Мустафо Муҳаммад, 17.АҲмад Рамазон, 18.Муҳаммад Содиқ (5.Муҳаммад Абдулсалом, 31), 19.Аммар Ҳамди, 22.Салаҳ Муҳсин, Муҳаммад Ғанан.
Захира: 1.Омар Валил, 16.Омар Салаҳ, 20.Имом Ашур, 7.Аҳмад Юсуф, 10.Аҳмад Ёсир, 14.Аҳмад Ҳамди, 15.Шериф Реда, 24.Носир Манси, 9.Омар Холид, 12.Акрам Тавфиқ.



Рейтинг: +55   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг