ОЧЛ. Аҳмедов ва Жепаровнинг 1-турдаги статистикаси қандай?
14 фев 2018 14:26
Янгиликлар

ОЧЛ. Аҳмедов ва Жепаровнинг 1-турдаги статистикаси қандай?

Осиё чемпионлар лигаси 1-турида Ўзбекистоннинг икки клуби ўз ўйинларини ўтказди.

Шу билан бир қаторда икки нафар легионеримиз ўз клублари сафида майдонга тушишди.

Эроннинг "Истиқлол" клуби сафарда "Ар Райян" билан 2:2 ҳисобида дуранг ўйнади. Ушбу баҳсда ўзбекистонлик Сервер Жепаров Теҳрон клуби сафида тўлиқ ўйнади.

Жепаров учрашув давомида 1та зарба берди ва у аниқ чиқди. Ўйинда ҳамюртимиз 6 марта хавфли вазият содир этган тўп узатишни амалга оширди. Баҳсда Сервер 83 бор тўпга тегди ва шериклари 66 марта пас оширди. Унинг тўп узатиш аниқлиги 87,9 фоизни ташкил этди.

Икки бор Жепаров тўпни рақиблардан олиб қўйишга эришди. Бир марта рақиб футболчиси Жепаровга нисбатан қоида бузган бўлса, икки марта унинг ўзи қоида бузди.

Хитойнинг "Шанхай СИПГ" клуби эса илк турни Японияда "Кавасаки Фронтале"га қарши ўтказиб 1:0 ҳисобида зафар қучди. Ўйинда Одил Аҳмедов тўлиқ ҳаракат қилди.

Ҳамюртимиз бир марта хавфли вазият содир этилган тўп узатишни амалга оширди. У 63 марта тўпга тегди ва шерикларига 56та пас берди. Унинг тўп узатиш аниқлиги 82,1 фоизни ташкил қилди. Аҳмедов бир бор рақибдан тўп олиб қўйди. Одил учрашув давомида бир марта қоида бузди.