UZ

Сўнгги янгиликлар

17:20Андрей Фёдоров: "Бу шармандали мағлубият эмас"  126 17:08"Истиқлол" бош мураббийи: "Локомотив" ҳам яхши жамоа, аммо бу футбол"  65 16:50"Локомотив" Тожикистон жамоасига ютқазди ва ОЧЛ билан хайрлашди  481 16:39Почеттино "Манчестер Юнайтед"ни бошқаришга тайёр  14 15:44"Барселона" Луис Суарес ўрнига "Арсенал" ҳужумчисини харид қилмоқчи  26 14:51Шамситдинов “Навбаҳор” билан шартнома имзолади  22 14:45"Зенит" Кокоринни ижарага бериб юборди  0 14:21"Ростов" - "Пахтакор". Ўйиндан олинган суратлар  15 14:05"Локомотив" - "Истиқлол". Асосий таркиблар эълон қилинди  40 13:55"Манчестер Юнайтед" Фернандеш ўрнига бошқа ўйинчини харид қилмоқчи  15 13:29Достон Турсунов "Пусан И'Парк"да  12 13:09Бугун "Локомотив" ўзбек футболи учун тарихий натижа қайд этиши мумкин  29 12:47Шота Арвеладзе: "Ҳали машғулотларда кўп меҳнат қилишимиз керак"  18 12:42Спортчилар ижтимоий тармоқларда  0 12:41"Бунёдкор" - "Ал Завра". Жамоаларнинг қандай либосларда ўйнаши маълум бўлди  13

"Навбаҳор": "Қизиллар" ва "Кўклар" ўртасидаги ўйин бўлиб ўтди Янгиликлар

"Навбаҳор": "Қизиллар" ва "Кўклар" ўртасидаги ўйин бўлиб ўтди

“Навбаҳор” бош мураббийи Андрей Канчельскис футболчиларнинг жисмоний ҳолатлари қандайлигини синовдан ўтказиш мақсадида, жамоа аъзоларини икки таркибга бўлган ҳолда назорат - синов баҳси ўтказди.

Мазкур учрашувда жамоалар шартли равишда “қизиллар” ва “кўклар”га ажратилди.

Жамоамиз аъзолари ушбу баҳсда ўзларининг нималарга қодирликларини намойиш этишга ҳаракат қилишгани боис, ўйин анча шиддатли ва кескин курашлар остида ўтди.

Ҳисобни “кўклар” очишди. Тажрибали ҳужумчи Шерзод Ҳакимов жамоасининг навбатдаги ҳужумини самарали тарзда якунлаб, Ўткир Юсупов қўриқлаётган дарвозани аниқ нишонга олди – 0:1.

Мувозанатни тиклашга интилган “қизиллар” ҳужумкорликни кучайтиришди. Шундай ҳужумларнинг бирини россиялик ҳужумчи Александр Касьян самарали тарзда якунлаб, ҳисобни тенглаштиришга муваффақ бўлди – 1:1.

Натижада футболчилар танаффусга 1:1 ҳисобидаги дуранг ҳисоби билан чиқиб кетишди.

Иккинчи бўлим ҳам анча қизиқарли тарзда кечди. Учрашувнинг 59-дақиқасида Аюбхон Номанов жамоасини олдинга олиб чиқди – 1:2.

Шундан сўнг, “қизиллар” ҳисобни тенглаштиришга интилишган бўлса, “кўклар” мустаҳкам ҳимояланган ҳолда, бунга йўл қўйишмади ҳамда вақти-вақти билан қарши ҳужумга ўтиб туришди.

Аммо дарвозаларга бошқа тўп киритилмади ва “кўклар” мазкур ўйинда 2:1 ҳисобида ғалаба қозонишди.



“Қизиллар” – “Кўклар” – 1:2 (1:1)

“Марказий” ўйингоҳ. 200 томошабин.

Ҳакамлар
: Ғайрат Жўраев, Расулжон Фозилов, Денис Нехочин.

Голлар: А.Касьян (35) – Ш.Ҳакимов (20), А.Номанов (59).

“Қизиллар”: Дилшод Ҳамроев, Обид Жўрабоев, Ғиёс Комилов, Ҳожиакбар Юнусов, Искандар Сиддиқжанов, Комил Тожиддинов, Азимжон Аҳмедов, Иван Соловьёв, Азиз Ибрагимов, Азизбек Турғунбоев, Александр Касьян.

Захирадан майдонга тушганлар: Мирзоҳид Маматханов, Қодир Икромов, Юнусбек Абдувоҳидов.

“Кўклар”: Ўткир Юсупов, Жаҳонгир Меҳмонов, Игорь Голбан, Мирзоҳид Ғофуров, Шаҳзод Шайманов, Нодир Мавлонов, Илҳомжон Алибоев, Абдулҳай Исмоилов, Аббос Ғуломов, Аюбхон Номанов, Шерзод Ҳакимов.

Захирадан майдонга тушганлар:
Ҳусайн Эргашбоев, Муҳаммад Султонов.


“Навбаҳор” ПФК матбуот хизмати.


Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг