Жамшид Ҳасанов: "Ўзбекистон Кубогини ким ютади? Мен учун "Машъал" фаворит"
25 июн 14:40
Янгиликлар
Жамшид Ҳасанов: "Ўзбекистон Кубогини ким ютади? Мен учун "Машъал" фаворит"
Ўйиндан олдин фаворит сифатида фарғоналиклар тилга олинган бўлсада, якуний натижа "Машъал" фойдасига ҳал бўлди (1:0). Мазкур ўйин таассуротлари борасида жамоанинг тажрибали футболчиси Жамшид Ҳасановнинг фикрларини тингладик.
- "Нефтчи"га қарши учрашув натижасига нималар асос бўлди? Рақиб бу сафар ўз ўйинини топа олмадими ёки "Машъал"нинг тайёргарлиги ғалабага олиб келдими?
- "Нефтчи"да кучли жамоа жамланган. Лекин бу ҳаётда ҳамма нарса бўлиши мумкин. Имконсиз ишнинг ўзи йўқ. Биз меҳнат қилдик ва берилган кўрсматмаларни тўғри бажардик. Бу ғалаба сари етаклади.
- Асрор Алиқулов: “Бундай натижа ҳар доим ҳам ўхшайвермайди”, — деган эди. Сизнингча, битта ўйиндаги ютуқни қандай омиллар белгилайди — машғулотми, руҳиятми ёки бошқа бир жиҳатми?
- Албатта, тайёргарлик. Рақибнинг ўйин услубини ўргандик. "Нефтчи"дан келиб чиқиб тактика танланди. Битта ўйиндан иборат тўқнашувда кўпроқ диққатни йўқотмасликка ҳаракат қилдик.
- Ўтган мавсумларда Тожикистон чемпионатида тўп тепдингиз. Бу мавсум Ўзбекистон Суперлигасидаги иштирокингиз шахсан ўзингиз учун қандай кечмоқда?
- Тўғрисини айтганда ўйин амалиёти кам берилмоқда. Бу футболда бўлиб туради. Ўз имкониятимни кутаман. "Нефтчи" билан ўйиндаги каби имконият берилса максимал фойдаланаман.
- Амалдаги чемпион "Насаф" ва мамлакат кубоги соҳиби "Андижон" мусобақа билан хайрлашди. "Нефтчи" ҳам ортга қайтди. Ўзбекистон Кубогида ғолиб чиқиш учун фаворитлар кимлар?
- Асосий фаворит деб доим ўз жамоани айтаман ва бунга ишонаман. ОКМК билан Ўзбекистон Кубогида зафар қучганимизда ҳам жамоамга ишонганман ва меҳнат қилишдан тўхтамаганман.
Ўхшаш янгиликлар
championat.asia
Ла Лига. "Реал" "оловли" ўйинда Мбаппе ва Беллингемнинг голи эвазига "Барселона"ни мағлуб этди
Месси Роналдунинг рекордини такрорлади, бироқ...
Суперлига. Чемпионлик учун курашаётган "Насаф" марказий тўқнашувда ОКМК билан дуранг ўйнади
Суперлига. "Нефтчи" Ғузорда ишончли ғалабага эришди
Фикрлар