Ўзбекистон миллий терма жамоаси Қирғизистонга қарши кечган ўртоқлик учрашувидан сўнг мазкур баҳсга тайёргарликни давом эттирмоқда. Кеча ўтказилган навбатдаги машғулотлар аввалида ҳимоячи Ислом Тўхтахўжаевдан интервью олдик.
- Қирғизистон билан ўйинда асосий таркиб футболчиларининг майдонга тушмаганлиги Саудия билан ўйинга таъсирини ўтказмайдими? Умуман тайёргарлик хусусида қисқача...
- Кўз тегмасин бари яхши кайфиятда кетяпти. Умуман бу мураббийнинг режаси, кимни тушиши ёки тушмаслигини у ҳал қилади.
- Олдиндаги рақиб аввалгиларидан буткул фарқ қилади. Кучи, таркибдаги футболчиларнинг савияси бобида ҳам устун. Яман ёки Сингапурга бўлган муносабат Саудияга ўтмайди. Бу борада футболчиларнинг муносабати қандай?
- Ҳавотирга ўрин йўқ. Насиб қилса халқимизга чиройли ўйин ва ғалабани тортиқ қиламиз. Барча бу ўйинга жиддий қарамоқда.
- Маҳаллий футболчилар асосан Қирғизистон билан ўйинда иштирок этди. Легионерлар ўйинга бир неча кун қолганда келди. Бу жамоавий ўйинни шаклланишига ҳалақит бермайдими?
- Албатта бироз таъсир қилади. Лекин легионерлар аввалги йиғинга қараганда камроқ, шу тарафдан муаммо бўлмаса керак.
- Қизиқ! Терма жамоа бўлажак ўйинга қандай кутилмаган совға тайёрлаяпти?
- Яхшиси уч очко қўлга киритиб ишқибозларга сюрприз қиламиз.
Абдулазиз Искандаров суҳбатлашди.
