Илёс Зейтуллаев: "Мен бошқа клубга ижарага кетаман"

Аммо туринликлар Зейтуллаевни бугуннинг ўзидаёқ бошқа клубга ижарага беришни режалаштирган.

- Фаолиятимни давом эттириш учун "С-1" сериядан жамоалар бор эди. "B" сериядан ҳам клублар йўқ эмасди. Аммо ўйин амалиётига эга бўлиш учун кўпроқ майдонга тушиш имкониятини берадиган клуб сафига бориб қўшилишни режалаштириб юргандим. "С-1" серияда ўйнашдан наф кўрмадим. Агар реал баҳо берадиган бўлсам, олий лигамиздан "Бунёдкор", "Локомотив" ва "Пахтакор" бугунги кучи билан "B" серияда ўйнай оладилар. "А"да эса аутсайдер бўлишлари мумкин. Агар жамоа чиқмаганида фаолиятимни Ўзбекистонда давом эттиришни ўйлаётган эдим. Буни қарангки, кеча кутилмаган хабарни эшитдим.

- Италия сайтлари Сизни бошқа клубга ижарага берилишингиз мумкинлиги ҳақида ёзишяпти?
- Келинг, вазиятга холисона баҳо берамиз. "Торино" ҳозир ажойиб жамоа сифатида шаклланган ва улар "А" Серияда олтинчи ўринни эгаллаб турибдилар. Бу таркибдан жой олиш қийин. Шунинг учун Португалия ёки Хорватия жамоаларидан бирига ўтсам керак. Бугун-эрта тақдирим ҳал бўлади. Нима бўлганда ҳам, жамоасиз қолмаслигим керак.

Нодирхўжа Юлдашев