ҲАҚИҚИЙ ВАТАНПАРВАРЛИК МУКОФОТИ! Конголик машҳур мухлис президент томонидан мукофотланди

Бу галги турнирнинг энг ёрқин юлдузи — Конго Демократик Республикасилик мухлис Кука Муладинга бўлди.

Африка Миллатлар Кубоги (AFCON 2025) давомида Конго ДР миллий қаҳрамони Патрис Лумумбанинг образини жонлантириб, стадионда соатлаб қимирламай тургани билан танилган Кука Муладинга ўз юртида юксак эҳтиром билан кутиб олинди. Унинг ватанпарварлиги ва миллий қадриятларга содиқлиги Конго ДР Президенти Феликс Чисекедининг эътиборидан четда қолмади.

Қаҳрамонга берилган мукофотлар:

- Ҳашаматли Jeep: Президент томонидан совға қилинган автомобилнинг давлат рақамига "CADEAU DU PRÉSIDENT" (Президент совғаси) деб ёзиб қўйилган.

- Пул ва ҳомийлик шартномалари: Унга катта миқдорда нақд пул мукофоти ва бир қанча йирик компанияларнинг реклама шартномалари топширилди.

- Жаҳон чемпионатига чипта: Кука Муладинга навбатдаги Жаҳон чемпионатига бориш учун бепул йўлланмани қўлга киритди.

- Президент билан учрашув: Давлат раҳбари мухлис билан шахсан учрашиш учун уни қабулига таклиф қилди.

Нима учун у бунчалик машҳур бўлиб кетди?

- Лумумба образи: У Конгонинг биринчи бош вазири Патрис Лумумбанинг тарихий суратини стадионда жонлантирди — соатлаб бир нуқтага қараб, қимирламай туриши миллионлаб инсонларни ҳайратда қолдирди.

- Самимий кўзёшлар: Конго терма жамоаси мусобақадан чиқиб кетганида унинг чин юракдан йиғлагани бутун Африка аҳлини таъсирлантирди.

- Ватанга содиқлик: Мусобақа мезбони Марокашда унга элчи сифатида қолиш ва катта пул эвазига ишлаш таклиф қилинган, бироқ Кука ўз ватанига қайтишни афзал кўрган.

Кука Муладинганинг тақдири оддий бир мухлиснинг ўз юртига бўлган чексиз меҳри қандай юксак қадрланиши мумкинлигига ёрқин мисол бўлди. Энди у нафақат Конго, балки бутун Африка футболининг рамзига айланган.