UZ

Сўнгги янгиликлар

Даврон Ҳошимов: "Мақсадимиз - жаҳон чемпионатига чиқиш" Янгиликлар

Даврон Ҳошимов: "Мақсадимиз - жаҳон чемпионатига чиқиш"

Ўзбекистон ва Сурия ўртасида ўтказилган ўртоқлик учрашувидан сўнг терма жамоамиз ҳимоячиси Даврон Ҳошимов сайтимизга қисқа интервью берди.

- Даврон, ўйин ҳақидаги фикрларингиз?

- Ўйинга келадиган бўлсак, бу баҳсга жиддий тайёргарлик кўрган эдик. Йиғин олдидан Туркия, КХДР ва Сурия билан бўладиган ўйинларга Купер жиддий тайёргарлик кўрди. Туркия билан бўлган ўйинда мағлубиятга учраганимиздан сўнг, мураббий бизга тезроқ ўзимизга келишимизни ва ўйинни унутишимизни айтди. Бизнинг бош мақсадимиз жаҳон чемпионатига чиқиш. Шунинг учун биз руҳан синиб қолмасликка ҳаракат қилдик ва яхши тайёргарлик кўрдик дея оламан. Яна бир жиҳат, бу ФИФА кунлари эди ва бу рейтингимизга таъсир этмай қолмасди.

- Иккинчи таймда Сурия кўпроқ ўйинни назорат қилди. Шунга муносабатингиз?

- Иккинчи таймга келадиган бўлсак, бизга орқада, яъни мудофаада хато қилмаслик ва гол қўйиб юбормаслик вазифаси қўйилган эди. Шунинг учун, биз ҳимоячилар кўпроқ ҳимояландик ва интизомли ўйин намойиш этдик. Ҳисобни ушлаб қолмоқчи эдик ва якунда бунга эришдик ҳам.


Алишер Остонов ёзиб олди.

Рейтинг: +17   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг