UZ

Сўнгги янгиликлар

02:57Англия кубоги. "Манчестер Сити" "Лутон"га 6 та гол урди, Ҳоланддан 5 та гол, Де Брйюнедан эса 4 ассист  3 00:48Зидан "Бавария"да ишлашга қизиқмоқда  2 00:31Каземиро "Манчестер Юнайтед"ни тарк этиши мумкин  1 00:04Гюндоган Туркия клуби билан оғзаки келишувга эришди  2 23:29Жанубий Кореянинг янги мураббийи маълум бўлди  0 23:12ВАР энг кўп голини бекор қилган Ла Лига клублари маълум бўлди  6 22:55"Тракторсози" футболчилари Кирмоншоҳ шаҳрида ҳужумга учради  0 22:38Осиё кубоги-2023. Энг яхши гол ва ассист муаллифлари аниқланди  1 22:11"Манчестер Юнайтед" асосий трансфер мақсадини белгилаб олди  2 21:44"Навбаҳор" янги мавсумга қай даражада тайёргарлик кўрди: клуб ОЧЛни тарк этди, лекин терма жамоа футболчилари билан кучайди (мутолаа учун)  11 21:27Ла Лигада аёл ҳакам камера билан тўқнашиб кетиши оқибатида жиддий жароҳат олди   4 21:01Драган Черан - "Навбаҳор" таклифи, нечта гол уриши ва ёшарган "Пахтакор" ҳақида   18 20:46Эрон Про лигаси. "Истиқлол" "Сепаҳон"ни енгди, Машарипов 77 дақиқа ўйнади  3 20:27Достон Ҳамдамов Суперлигада қайси жамоалар кучли учликдан жой олишини айтди  10 20:00U19 чемпионати янгича форматда ўтказилади  0

Чўлга чорлов: қишда Саудия Арабистонига йўл олиши мумкин бўлган ўйинчилар (мутолаа учун) Янгиликлар

Чўлга чорлов: қишда Саудия Арабистонига йўл олиши мумкин бўлган ўйинчилар (мутолаа учун)

Январда Европани тарк этиши мумкин бўлган футболчиларни кўриб чиқамиз.

Саудия Арабистони ёздаги трансфер ойнасининг бош қаҳрамонларидан бири бўлди. Саудияликлар ўзларига Криштиану Роналдудан сўнг Карим Бензема, Садио Мане, Жордан Хендерсон, Неймар ва бошқа кўплаб таниқли ўйинчиларни оғдиришди. Бу бошланиши бўлиши мумкин. Саудия клублари фаол трансфер сиёсатини давом эттиришмоқчи ва уларда таркибни кучайтириш учун янги номзодлар бор. Бугун январда Саудия Арабистонига кетиши мумкин бўлган ўйинчиларни кўриб чиқамиз.


Лука Модрич ("Реал")

Модричнинг келажаги ноаниқ. 38 ёшли хавбекнинг Мадриднинг "Реал" клуби билан шартномаси мавсум сўнггига қадар мўлжалланган. Хорватнинг "қироллик клуби"даги ўйин вақти камайиб бормоқда, шу сабаб унинг келажаги ҳақидаги савол актуал бўлиб турибди. Агент ўтган ёзда ўйинчига Саудия Арабистонидан таклиф бўлганини айтди. Маҳаллий "Ал Иттиҳад" ва "Ал Аҳли" клублари ҳалигача у билан шартнома имзолашга қизиқишмоқда. Саудия клублари Модрични январдаёқ олишмоқчи ва бу унинг Испания пойтахтидаги ҳолатини ҳисобга олганда амалга ошиши мумкин бўлган нарса.


Антони Марсьяль ("Манчестер Юнайтед")

Марсьяль ёзда Саудия клубидан молиявий жиҳатдан яхши таклиф олди. Француз таклифни рад этди ва МЮда қолишга қарор қилди. Бу хато бўлган бўлиши мумкин. 27 ёшли ҳужумчи жорий мавсум майдонда ўртача ўйин давомида 29 дақиқа бўлмоқда. Жорий мавсум унинг фаолиятидаги энг ёмон кўрсаткичлардан биридир. Ҳа, форвард жамоага катта фойда келтирмаяпти. Ҳозирда унинг ҳисобида АПЛда фақатгина 1та гол бор. Агар Саудия Арабистонидан таклиф қолса, МЮ январда ўйинчини сотиши мумкин. Унинг шартномаси мавсум сўнггига қадар мўлжалланганини ҳисобга олса битим манкунианлар учун фойдали бўлади.


Каземиро ("Манчестер Юнайтед")

Каземиро учун МЮ таркибидаги иккинчи мавсум биринчисидан кўра ёмон кечмоқда. Олдинроқ бразилияликни манкунианларнинг энг яхши ўйинчиларидан бири деб аташарди, ҳозирда эса энг ёмонларидан деб ҳисоблашмоқда. Британия нашрларида Каземирони АПЛдаги бошқа таянч ярим ҳимоячиларга қараганда кўпроқ танқид қилингани ҳақидаги хабарларга тўла. Вазият 31 ёшли хавбек учун унчалик яхши эмас. Миш-мишларга кўра, МЮ ўйинчини сотишга тайёр, у билан шартнома имзолашга эса Саудия Арабистони клубидан қизиқиш бор. Каземиронинг ўзи ҳам "Олд Траффорд"даги ҳолатидан норози эканлиги ҳақида маълумот бор. Шундай экан томонлар январда хайрлашишлари ҳеч гап эмас.


Томас Парти ("Арсенал")

Партининг "Арсенал"даги келажаги тобора туманлашиб бормоқда. Саудия клуби ёзда ўйинчи билан шартнома имзолашга уринди, аммо таклиф "канонирлар"ни қониқтирмади. Сўнгги янгиликларга кўра "тўпчилар" январда мулоқот қилишга кўпроқ мойил бўлишади. Клуб эса футболчининг тез-тез жароҳат олаётганидан норози. Умуман олганда унга олдингидек ишонч билдиришмаяпти. "Арсенал" Томасни январда сотишга тайёр. 30 ёшли хавбекнинг иккинчи уриниш билан Саудия Арабистонига йўл олиш эҳтимоли ҳақиқатга яқин. "Канонирлар" қишда ўзлари қўйган нархни унчалик ҳам талаб қилишмайди.


Жейдон Санчо ("Манчестер Юнайтед")

Трансфер ойнаси очилишига яқин Санчо учун даъвогарлар кўпайиб боради. Бу футболчининг октябрдан бери ўйнамаётганини ҳисобга олганда ҳайрон қоладиган нарса эмас. Жорий мавсум АПЛда унинг ҳисобида фақатгина 3та ўйин бор. Англиялик мураббий билан келишмовчилик сабаб жамоадан четлатилганича қолмоқда ва вазиятнинг яхшиланиши кутилмаяпти. 23 ёшли вингер январда ўйин амалиёти олиш учун МЮни тарк этиши мумкин. Миш-мишларга кўра, Саудия лигасида Санчони январдаги бош трансфер мақсади сифатида ҳисоблашмоқда. Саудияликлар англияликни ўз клубларидан бирида кўришни жуда ҳам хоҳлашмоқда. Ҳозирданоқ унда улардан биридан яхши таклиф бор. Аммо Жейдонга Европада ҳам қизиқиш мавжуд. Ўйинчининг қандай қарорга келишини вақт кўрсатади.


Ришарлисон ("Тоттенхэм")

Ришарлисоннинг хизматларига фаол тарзда Саудия Арабистонида қизиқиш билдиришмоқда. Маҳаллий клублар ўйинчи билан ёзда шартнома имзолашни хоҳлашганди, аммо "Тоттенхэм" ўшанда уни қўйиб юбормаганди. Январда вазият ўзгариши мумкин. Бир томондан, "шпорлар" кўп миқдордаги жароҳатлар туфайли футболчини қўйиб юборишлари ҳам тўғри эмас. Бошқа томондан эса жамоа ҳужумда бразилияликсиз ҳам эпламоқда. 26 ёшли ҳужумчи АПЛдаги 10та ўйинда атиги 1та гол урган ҳолда кўплаб имкониятларни йўққа чиқарганди. Барчаси "Тоттенхэм"га боғлиқ бўлади. Агар "шпорлар" таркибни кучайтириш учун қишда бозорга чиқишса ўйинчиларни сотишларига ҳам тўғри келади. Ришарлисон эса бу рўйхатда бўлиши мумкин.


Чичарито ("Лос-Анжелес Гэлакси")

Расман Чичаритонинг "Гэлакси" билан шартномаси йил сўнггига қадар мўлжалланган. Аммо, мексикалик ҳозирданоқ ўзига янги клуб излаши мумкин ва у буни қилмоқда. 35 ёшли ҳужумчи яқинда берган интервьюсида турли вариантларни, жумладан Саудия Арабистонини кўриб чиқишини айтди. Саудияликларда тажрибали форвардни олиш учун яхши имконият бор. Чичарито фаолиятининг ботишига яқинлашмоқда. У кўплаб шаҳар ва мамлакатларда ўйнаган, шу сабаб Саудия Арабистони якун учун яхши вариант бўлиши мумкин. У яхши таклиф олган кўринади.


Серхи Роберто ("Барселона")

Испаниядаги мавсум стартидан бир неча ой ўтиб Робертонинг "Барселона"даги туманли келажаги ҳақида ёзишни бошлашди. Ўйинчининг жорий мавсум сўнггида Каталония клубидан кетиши айтилмоқда, аммо томонлар январда ҳам хайрлашишлари мумкин. "Кўк-анорранглилар" ҳали ҳам таркибни кучайтириш учун футболчиларни сотиши керак. Роберто чиқиш учун асосий даъвогарлардан бири сифатида кўрилмоқда. Испан соғлом бўлганда ҳам доим ўйин амалиёти олмаган бўлса ҳам уни жароҳатлар қийнайди. У билан шартнома имзолашга МЛС ва Саудия Арабистони клублари қизиқиш билдирмоқда. Роберто Американи афзал кўрмоқда, аммо кўп нарса таклифга, жумладан "Барселона"га боғлиқ бўлади.


Footballhd.ru сайтидан Алишер Остонов таржимаси.

Рейтинг: +5   

Фикрлар

   
05 дек 16:09:42
ZOKIRJON MAXMUDOV
Ўзбекистондан йўқмикан.
   
05 дек 15:47:32
UFA bu UFA
Endi Saudiya yosh yulduzlarni chaqiradi taktika shunaqa manimcha
championat.asia
< сўнгги янгиликларни кўриш
Яндекс.Метрика