UZ

Сўнгги янгиликлар

17:37"Порту" "Манчестер Юнайтед" вингерини нишонга олди  0 17:26Хабиб ва Остон Ўрунов бир жамоада футбол ўйнади (ВИДЕО)  1 17:16"Ювентус" Толиссо ва Зиркзега қизиқмоқда  1 17:10Роналду 2021 йил жамоасини ўзгартиради. У "Реал"да Мбаппе билан ўйнайдими?  5 16:53Расман: "Челси" Лэмпардни истеъфога чиқарди  23 16:35Olamsport: Флойд Мэйвезер Маҳмуд Мурадовни табриклади, Чендлерга Хабибнинг гаплари ёқмади  2 16:28"Фарғона вилояти ҳокими кубоги-2021": "Нефтчи" ва "Истиқлол"да ғалаба  8 16:16Пуч: "Қийин мавсум, мен бунчалик кам ўйнашга кўникмаганман"  3 15:45"Челси"нинг янги бош мураббийи ким бўлиши маълум  13 15:27Лэмпард тез орада истеъфога чиқарилади  11 15:15"Хетафе" "Бавария" ўйинчиси учун курашга қўшилди  0 15:08Тожикистон чемпионатининг 2020 йилдаги энг яхши легионери "Янгиер"да  20 14:52Ислом Рашидхонов - "Локомотив" футболчиси!  6 14:51Eplmanager.com. Янги "The Merseyside league" совринли лигасини кутиб олинг!  0 14:47"Вест Хэм" Эн-Несирига 33 млн евро таклиф қилди. "Севилья" рад этди  1

Битта газета йиртилиши баҳонасида кейинчалик пароканда бўлган “Нефтчи“... Янгиликлар

Битта газета йиртилиши баҳонасида кейинчалик пароканда бўлган “Нефтчи“...

2013 йилнинг 8-турида “Нефтчи“ ўз майдонида “Гулистон“ устидан ғалаба қозонади.

Омадсизликлар исканжасига тушиб қолган фарғоналикларни “Фарғона ҳақиқати“ газетаси танқид қилиб юрган кезлар.

Ортиқча эҳтиросга берилган футболчилар қаердандир газетани олиб, 4:1 натижасидан сармаст бўлиб, барчанинг олдида йиртиб ташлайдилар. Бу газетага қилинган “бойкот“ эди. Бу ўша пайтда кимгадир аниқ керак бўлган. Акс ҳолда футболчилар қолиб, клубни 30 йилга яқин вақт ўз фарзандидек катта қилиб келган Юрий Саркисянни ишдан ҳайдаш билан масалага ечим берилмасди.



Тўғриси, бу масалани кўпчилик ҳамон сир тутади. Футболчилардан ўша йиллари сўраганимизда газетани йиртишда Юрий Вазгеновичнинг ҳеч қандай буйруғи бўлмаган. Карантиндан кейин Фарғонага ташриф буюриш режаси йўқ эмас. Эшитишим бўйича, аукционга қўйилган Қиргулидаги база тўлиқ ремонтга ёпилган, сотилмайдиган бўлибди. “Нефтчи“ни яна қайтариш ниятида эканликлари ҳақида ҳам гаплар йўқ эмас. Тўғрисини айтганда, вилоятлар ўртасидаги чегара ёпилишига 2 кун қолганда Фарғонага йўлга чиқаётгандим. Лекин ҳозир вазиятни ўзингиз биласиз қандай, уйда ўтиришимиз керак.


Келинг, аввал “Нефтчи“ — “Гулистон“ ўйинига тўхталамиз. Ўйин қайдномаси якунда қуйидагича кўриниш олган.

“НЕФТЧИ“ — “ГУЛИСТОН“ — 4:1 (3:1)
11.05.2013. 8-тур. Фарғона. “Фарғона“ Стадиони. 5868 томошабин.
Бош ҳакам
: Равшан Эрматов.
Голлар:
1:0 — Эрматов Дилёрбек, 21
2:0 — Бердиев Анвар, 33
3:0 — Бердиев Анвар, 38
3:1 — Отақўзиев Носир, 39
4:1 — Акрамов Иқбол , 90+2

Мухлисларни тушунса бўлади, улар ишқибоз. Бир ёниб бир ўчади. 7-тур якунларига кўра “Нефтчи“ ўз тарихидаги энг ёмон натижани қайд этиб турган эди. 14 жамоа ичида 12-ўрин. 5та ўйинда мағлубиятга учраб улгурган, бор йўғи биттадан дуранг ва ғалаба. Аслида Саркисяннинг кетиши деярли ҳеч нимани ўзгартирмаган. Якуний жадвалда 9-ўринни қўлга киритган. Ўша йили ҳатто “Пахтакор“ 4-ўринни олган. “Бунёдкор“, “Локомотив“ ва “Насаф“, АГМК молиявий жиҳатдан анча бақувват бўлганлар. Аслини олганда “Нефтчи“нинг инқирозига биргина Саркисянни айблаб бўлмайди.


Кўплаб футболчилар ҳозирги Фарғона футбол академиясидан чиқар эди. Авваллари интернат мақомида бўлган бу кошонадан кўплаб “Нефтчи“ юлдузлари чиққан. Ўзбекистонда 11 йиллик мактаб тизими 9 йилликка айлантирилганидан кейин ўз-ўзидан “Нефтчи“нинг инкубатори бўлган футбол интернати сифати тушиб кетди. Энди бу ерда ўқувчилар 9-синфгача ўқиб, ўзлари учун бошқа коллеж ёки лицей танлаши керак бўларди.

2007 йилдан кейин мактаблар 9 йиллик тизимга ўтиб бўлди. Эътибор қилинг, интернатдан сифатли футболчиларнинг чиқиши айнан шу даврдан тўхтади. 11 синфгача интернатда ўқиб турган футболчи 18 ёшида Саркисян томонидан ўринбосарлар сафига “тортиларди“ ва у ўйнаб кетган. 16 ёшда эса бу ишни қила олмайсиз. Қандайдир "вундеркинд" чиқиб қолмаса доимий бўлмайди бунақаси. Бу нарсаларни на мухлислар, на раҳбарият билмади. Натижага айбдор Саркисян бўлди-қолди. Ўша Вазгеновични танқид қилганларнинг биронтаси “Нефтчи“га академия қуриб бериш кераклиги ҳақида ўйлаб кўрмади. Қандай қилиб ёш футболчиларни тарбиялаб берган Саркисян бирданига футболчи етиштирмай қўйди, мана шу оддий саволни ҳеч ким бермади. Ваҳоланки, ҳар бир матбуот анжуманида (шахсан ўзим кўп эшитганман) Саркисян бу муаммо ҳақида тинмай бонг урарди. Саркисян даврида Фарғона футбол интернатига фақатгина таланти бор ўқувчи кирарди. Имтиҳонлар тепасида “Нефтчи“ мураббийлар штаби ўтирарди. Мавсум олдидан эса бутун Фарғона бўйлаб ўринбосарлар таркибига селекция ишлари амалга ошириларди. Ҳозир шундай қилинадими?



Мен бир нарсани айтишим мумкин, ўша давр учун Саркисян “эскираётган“ эди, фақат мураббий сифатида. Юрий Саркисянни клуб менежери сифатида олиб қолиш ва унга структурани ривожлантириш вазифаси қўйилиши керак эди. У ҳам инсон, унинг ҳам “Нефтчи“га жони ачирди. Шу кунгача “Нефтчи“ томонидан эришилган натижаларнинг барчасида унинг ҳиссаси катта эди. Уни йўқ қилиш ўрнига, унинг обрўсидан фойдаланиш керак эди. Бизда эса доимгидек... Кейин нима бўлди? Саркисян ҳовлисигача сотиб кетди Тошкентга.


Кўп ўтмай “Нефтчи“ қуйи лиганинг доимий аъзосига айланди. “Ара“ эса бу нарсага ҳеч қачон йўл қўймаган бўларди.

Карантин тугасин, Фарғонада кўришамиз!


Нодирхўжа Юлдашев

Рейтинг: +48   

Фикрлар

championat.asia
< сўнгги янгиликларни кўриш
Яндекс.Метрика