"Бетис" билан дурангдан сўнг шогирдларини қўллаб-қувватлаган Симеоне чемпионлик ҳақида гапирди
12 апр 2021 12:28
Янгиликлар

"Бетис" билан дурангдан сўнг шогирдларини қўллаб-қувватлаган Симеоне чемпионлик ҳақида гапирди

"Атлетико" бош мураббийи Диего Симеоне Испания чемпионати 30-тур доирасидаги "Бетис" (1:1)га қарши ўйиндан сўнг ўз фикрларини билдириб ўтди.

"Биринчи тайм жуда яхши ўтди, илк дақиқалардан биз ўйнадик, бизда хавфли вазиятлар бўлди, кейин эса улар гол уришди. Иккинчи бўлимда уларга кўпроқ зарар етказишимиз мумкин эди. Биз ўйинчилардан жуда мамнунмиз, улар катта иш бажаришди.

Чемпионлик? Мен ёлғонни севмайман. Биз ўйиндан ўйинга ўтиб бормоқдамиз ва мен ҳеч нарсани ўзгартирмоқчи эмасман. Мен бу лаҳзани севаман", - дейди Симеоне.

"Атлетико" 67 очко билан жадвалда биринчи ўринда бормоқда. "Матрасчилар"ни "Реал" (1 очко кам) ва "Барселона" (2 очко кам) таъқиб этиб келмоқда.

Қайд этиш керакки, муҳим ўйинда очко йўқотилганига қарамай, "Эл Чоло" шогирдларини қўллаб-қувватлади.