"Бенфика" ушбу кечикишдан фойдаланиб, португалиялик мутахассис билан шартномани муддатидан олдин бекор қилгани учун катта товон пули олиш ниятида.
Манба маълумотига кўра, Моуриньюнинг шартномасида 26 майгача 7 миллион евро эвазига "Бенфика"ни тарк этиш ҳуқуқига эга бўлган банд мавжуд. Ушбу санадан кейин кўрсатилган банд ўз кучини йўқотади, шу сабабли "Реал" компенсация миқдори бўйича Лиссабон клуби билан келишиб олиши керак бўлади.
Таъкидланишича, "Реал" билан вазият қандай бўлишидан қатъи назар, Моуринью 2027 йилгача шартномага эга бўлишига қарамай, "Бенфика"да қолмайди.
