Арне Слот: "VAR фақат аниқ ҳолатларда ишлаши керак"

"Умуман олганда, мен VARсиз футбол томоша қилишни ёқтираман. Чунки гол урилганда дарҳол “Бу гол”, деб ўйлайсан. Гакпонинг ҳисобга олинмаган голида ҳам шундай бўлди. Мен ёрдамчи ҳакамга қарадим, у байроқни кўтармади ва “Ҳечқиси йўқ”, деб ўйладим. Бир неча сониядан кейин эса у барибир байроқни кўтарди. Бу тўғри қарор эди, чунки у офсайдда эди. Менга тушунтиришларича, у аввал голни ким урганини аниқламоқчи бўлган. Коди урганини эшитгач, унинг офсайдда бўлганини айтган. Адолатли ва тўғри қарор қабул қилинди.

VAR менга фақат барчаси аниқ ва равшан бўлган ҳолатларда ёқади. Масалан, Гуири Мохамед Салахга қарши қоида бузган вазиятда қизил карточка олди. Менимча, бу 100 фоизлик қарор эди. Аммо баъзи одамлар бундай қарор билан келишиш мумкинлигини айтди. Демак, ҳатто бу қарор ҳам 100 га 0 эмас, балки 80 га 20 бўлган. Шунинг учун фақат офсайд бор ёки йўқлиги, тўп чизиқни кесиб ўтган ёки ўтмагани каби ҳолатларга эътибор қаратиш керак. Қолган вазиятларда эса ҳакам ўйинни ўзи бошқарсин. Бу менинг шахсий фикрим, лекин бу амалга ошмаслигини тушунаман. Мен VAR айнан шу тарзда ишлашини хоҳлардим. Ўйлайманки, биз бу тизимга шунчалик ўрганиб қолганмизки, очиғи, унинг ўйин давомида ишлаганини маъқул кўраман", — деди мураббий клуб матбуот хизматига.

Эслатиб ўтамиз, мусобақанинг амалдаги ғолиби "Кристал Пэлас" бўлиб, финалда "Манчестер Сити"ни 1:0 ҳисобида мағлуб этган.