Аргентина терма жамоаси дарвозабони Мартинес: "Мен Месси учун ўлишга тайёрман"
19 июл 2021 12:10
Янгиликлар

Аргентина терма жамоаси дарвозабони Мартинес: "Мен Месси учун ўлишга тайёрман"

Аргентина терма жамоаси дарвозабони Эмилиано Мартинес интервьюларидан бирида ҳужумчи Лионель Месси билан муносабати ҳақида гапирди.

Мартинес Месси билан биргаликда Копа Америка-2021 йилнинг финалида Бразилия (1:0)ни мағлубиятга учратган ҳолда, бош совринга эга чиқди.

"Мен у учун ҳаётимни бера оламан, унинг учун ўлишга ҳам тайёрман. Тўрт ёки беш ой олдин мен унга ўзимдан олдин у Америка Кубогини ютиши кераклигини айтгандим. Барча аргентиналиклар охир-оқибат Лео ушбу совринни боши узра баланд кўтаришини хоҳлашганди.

У ҳар бир ўйинда бизни қутқаради, Месси ўзини терма жамоага баҳш этади. Умид қиламанки, Биз унга Жаҳон чемпионатини совға қила оламиз", - дейди Мартинес.