АПЛнинг нархи ошган ва тушган футболчилари: Абдуқодир Ҳусановнинг қиймати қанча?
09 дек 18:38
Янгиликлар

АПЛнинг нархи ошган ва тушган футболчилари: Абдуқодир Ҳусановнинг қиймати қанча?

Transfermarkt портали Англия Премьер-лигаси футболчиларининг нархини янгилади.

Унга кўра, "Манчестер Сити" ҳужумчиси Эрлинг Ҳоланд 200 млн евро билан биринчи ўринни сақлаб қолди. Унинг нархи нақд 20 млн еврога ўсган. "Арсенал" вингери Букайо Саканинг қиймати 10 млн еврога камайганига қарамасдан, 130 млн евро билан иккинчи поғонани банд этди. Лондонликларнинг яна бир футболчиси, ярим ҳимоячиси Деклан Райснинг нархи ўзгармади ва учинчи ўринда қолди.

"Манчестер Сити" ҳимоячиси ва Ўзбекистон терма жамоаси ҳимоячиси Абдуқодир Ҳусановнинг нархи ўзгармади (35 млн евро) ва у Англия чемпионатидаги ҳимоячилар орасида 31-ўринда қайд этилган.