UZ

Сўнгги янгиликлар

16:34"ЎФФ Президенти кубоги" мусобақасида 3-тур учрашувлари ўтказилди  0 16:20Суперлига. 30-турдан ОНЛАЙН натижалар  15 15:57"Кристал Пэлас" — "Манчестер Юнайтед". Таркиблар маълум  1 15:26Рафинья "Барселона"ни АПЛ клубига алмаштириши мумкин  2 14:42Симеоне Серлотнинг "Атлетико"дан кетиши мумкинлиги ҳақида гапирди  0 13:32Вальвердега яна бир АПЛ даъвогари пайдо бўлди  3 12:37"Ливерпул" ПСЖ юлдузини ўз сафига қўшиб олмоқчи. Трансфернинг асосий шарти маълум  6 11:51"Интер" "Реал" дарвозабонини ўз сафига қўшиб олиши мумкин  0 11:22Лондон клуби “Ювентус" юлдузини нишонга олди  0 10:57"Шўртан" футболчисига Қувайт ва Сербиядан қизиқиш бор  2 10:34ЎзПФЛ "йил футболчиси" учун номзодларни 5 тагача қисқартирди  19 10:10Месси жаҳон рекордини янгилади  41 09:43Sofascore. Шомуродов ва Файзуллаев кечаги ажойиб ҳаракатлари учун неча баҳога лойиқ кўрилди?  9 09:18Сўнгги турларда Алиқуловни захирага "михлаб" қўйган мураббий истеъфога чиқди  2 09:15Виталий Левченко: "Танқид ва босимларни енгиб чемпион бўлдим"  11

Анвар Ражабов: "Бухоро"да бир йил ижарада ўйнайман" Янгиликлар

Анвар Ражабов: "Бухоро"да бир йил ижарада ўйнайман"

Ҳуқуқий жиҳатдан "Пахтакор"га тегишли бўлган Анвар Ражабов оғир жароҳатлардан кейин аввалги формасини тиклаб олишга қийналмоқда чоғи.
Қишки йиғинларни асосан "шерлар" билан ўтказган футболчи куни-кеча собиқ жамоаси "Бухоро" йиғинига бориб қўшилди.

- "Бухоро"нинг Тошкентда ўтказаётган машғулотларига 26 февраль куни келиб қўшилдим. Бунгача эса "Пахтакор" таркибида Туркияда шуғулланаётгандим", - дея гап бошлади Анвар Ражабов.

- "Пахтакор" ўйинига киришиб кетишингиз қийин кечдими?

- Йўқ, мен бундай демаган бўлардим. Чунки бу клубга кеча келмадим. Ўтган йили ярим йил шерлар таркибида бўлганман. Тўғриси ҳар қандай футболчи операциядан кейин бирданига яна аввалгидек ўйнаб кетиши қийин. Мураббийлар Туркияда менга Ўзбекистонга қайтиб "Бухоро" йиғинига бориб қўшилишим кераклигини айтганидан кейин, қайтиб келдим.

- Демак, бу йил сизни "Бухоро" сафида кўрар эканмизда?
- Катта эҳтимол билан шундай. Олдимда бошқа клубга ўтиш вариантлари ҳам турганди. Лекин "Бухоро" мен учун қадрдон жамоа. Айнан бу клубда ўйнаб футболчи сифатида шаклландим. Қолаверса оиламга яқин бўламан. Шу боис бир йил "Бухоро"да ижарада ўйнасам керак.

- "Бухоро"ни айни пайтда Эдгар Гесс бошқармоқда. Илгари бу мутахассис билан бирга ишлагансиз. Тўғрими?
- Ҳа, "Насаф"да Гесс билан йўлларимиз кесишгандим. Катта тажрибага эга мураббий. Қаттиққўл ва талабчан. Машғулотлари ҳам яхши.  Ҳозирча мураббий билан яккама-якка суҳбатлашиш имкони бўлмади.

- Айни пайтда спорт формангизни неча фоизга баҳолаган бўлардингиз?
- Ёмон эмас. Биласизми  ҳозир ҳеч қайси футболчи 100 фоиз тайёр холатда бўлмайди. Чемпионатнинг 3-4 тури ортда қолганидан кейингина бундай кўрсаткичга чиқиш мумкин. Мен ҳам бугунги тайёргарлигимдан нолимайман.


Исломбек Рустамбеков суҳбатлашди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика