UZ

Сўнгги янгиликлар

02:00Olamsport: Бокс афсонаси вирус юқтириб олган бўлиши мумкин, финалда Али ва Тайсон тўқнашуви ва бошқа хабарлар  0 01:57Солер "Арсенал"нинг қизиқишлари доирасига тушиб қолди  0 01:27"Реал" франциялик футболчи учун курашга қўшилади  0 01:12Кассано Марадона ва Мессини таққослади  7 01:00Спортчилар ижтимоий тармоқларда  0 00:52Германиялик футболчи "Ливерпуль"га ўтишга рози бўлди  4 00:31Коутиньо "Тоттенхэм"га ўтиши мумкин эди  0 00:04Роналду карантин қоидаларини бузди  3 23:40Кака: "Роналдиньони бундай вазиятда кўриш жуда ачинарли"  0 23:30Исроил Мадримов билан бир ҳафта: ESPN ўзбек боксчиси ҳақида катта мақола тайёрлади  1 23:19Милик хайрли ишга қўл урди  0 23:00"Фанат лига". "Милан" - "Интер"  69 22:51"Севилья" Шакирига қизиқиб қолди  0 22:29"Реал" Игор Гомесни харид қилиши мумкин  0 22:11Оғир дамларда бирлашадиган пайт келди ёхуд душман клублар дўстга айланмоқда  1

Афсонавий Касильяс ҳақида Янгиликлар

Афсонавий Касильяс ҳақида

Бугун Испания терма жамоаси ва Мадриднинг "Реал" клуби собиқ сардори ҳақида гаплашамиз.

Икер Касильяс — футбол тарихидаги энг яхши дарвозабонлардан бири, Испания терма жамоасининг собиқ сардори, жаҳон чемпиони, 2 карра Европа, 5 карра Испания чемпиони (Мадриднинг “Реал” клуби сафида). “Реал” билан 2 марта Испания кубогини, 4 бор Суперкубогини ютган. 3 карра Чемпионлар лигаси ғолиби, клублар ўртасидаги жаҳон чемпиони. УЕФА таснифига кўра 6 бора йил рамзий жамоасига киритилган... (унинг барча соврин ва мукофотлари рўйхатининг бир қисмигина тақдим қилинди)

Болалик йиллари

Икер Касильяс 1981 йилнинг 20 майида Испаниядаги Мостолес шаҳарчасида дунёга келган. Онаси — Мария дель Кармен, отаси — Хосе Луис, акаси — Унай Фернандес. Икернинг онаси аёллар сартароши, отаси эса Таълим вазирлигида ишларди. Бу оилада профессионал тарзда футбол билан шуғулланганлар йўқ эди, аммо Икернинг отаси Бильбаода туғилган, у “Атлетико” жамоасининг мухлиси эди.

Мостолес — Мадрид яқинидаги провинция. Унинг аксар аҳолиси ишчилар синфига мансуб. Икер қўшнилари билан уйлари яқинидаги майдончада тўп тепар, баъзан “Бернабеу”га “Реал”нинг ўйинларини кўриш учун ташриф буюрар эди. Кейинчалик унинг ўзи ана шу лаҳзаларни болалигидаги энг ёрқин хотиралар сифатида эслади.

"Реал Мадрид"

Икер болалигидан дарвозабонларга меҳр қўйган. Буйо, Канисарес ва Шмейхелнинг ҳаракатларини кузатар, уларнинг мухлиси эди. Кунларнинг бирида унинг уйи яқинидаги майдончада “Реал Мадрид” клуби мактабининг “очиқ эшиклар куни” ўтказилди. Отаси кичикина Икерни ҳам кўрикка олиб боради. 8 ёшли голкипер мураббийларда илиқ таассурот қолдирди, аммо у ҳали жуда кичкина эди. 6 ой ўтгач, болакай яна кўрикка бор ва бу сафар қабул қилинди. Айнан шу лаҳзадан Икер Касильяс катта футболга кириб келган эди. Висенте Дель Боске мураббийлик қилаётган болалар жамоасига бориб қўшилган Икер 1999 йилга қадар ёшлар таркибида ўйнади. 

Бу муддат оралиғида “қизил фурия”нинг U-15, U-16, U-21 терма жамоалари билан Жаҳон чемпиони ва Меридиан кубоги соҳибига айланди. Касильяс “Реал” сафида Эктор Купер бошчилигидаги “Валенсия”га қарши УЕФА чемпионлар лигаси финал баҳси (3:0, 24 май 2000 йил)да ўзини кўрсатди. Жароҳатланган Бодо Иллгнернинг ўрнига “қироллик клуби” дарвозасини қўриқлаган 19 ёшли кипер ўша пайтдаёқ келажакда қайд этадиган натижаларидан барчани огоҳлантириб қўйганди. Бироқ кейин асосий дарвозабон вазифасини Сезар Санчес бажарди ва Икер бир муддат заҳирада қолди.

УЕФА чемпионлар лигаси-2001/02 финал (“Мадрид” – “Байер”, 2:1) дан кейин ажойиб жисмоний ҳолатга кириб улгурган Касильяс “қаймоқранглилар” постининг асосий посбонига айланади. 2002/03 йилги мавсумда ёш дарвозабон 38 ўйинда майдонга тушиб, “Реал”нинг Испания чемпионига айланишига муносиб ҳисса қўшди. 

2014 йилда Касильяс (Моуриньюни алмаштирган) Карло Анчелотти бошқараётган “Реал” билан 3-бор Чемпионлар лигасида зафар қучди. 

Бунга қадар “Реал”ни бошқарган Моуринью ва Икернинг муносабатлари яхши натижа бермаган эди. Португалиялик мутахассис 10 йил давомида “Қироллик клуби”нинг биринчи посбони бўлиб келган Касильясни заҳирага ўтқазиб, Антонио Аданни асосий дарвозабонга айлантиради. Мураббийнинг қарори  Мадрид клуби ишқибозларининг кескин норозилигига сабаб бўлиб, матбуотда бир нечта жанжаллар келтириб чиқарганди. Жозе эса уларга хотиржамлик билан Адан Икердан кучлироқлигини айтди. Келишмовчилик жамоага кўчди ва “Реал”да ички муҳит ёмонлаша борди. Моуринью ва футболчилар алоҳида қутбларга ажралишганди. Тез орада Антонио Адан асосий дарвозабон позициясига номуносиблиги ойдинлашгач, “беназир” Диего Лопесни асосий постга кўчирди. Касильяс эса заҳира ўриндиғида қолаверди.

Жамоа Карло Анчелотти бошқарувига ўтгач, сардорнинг формасини тиклаб асосий таркибга қайтиши осон бўлмади. У 2013/14 йилги мавсумни кубок ва ЕЧЛ ўйинларида майдонга тушиш билан ўтказди. 2014/15 йилги чемпионат Икер учун “Реал”даги сўнггиси бўлди.


2014 йилниг июлида Икер Касильясга “Арсенал”дан таклиф тушганди. Дарвозабон таклифни қуйидаги фикри билан рад этган:

Арсенал”га ўтишДунёда “Реал”дан яхшироқ клуб йўқ.

2015 йилнинг ёзида “Қироллик клуби”ни тарк этар чоғида эса:

Реал”да менинг вақтим якунлангани тушуниб етдим. 2015 йилнинг январь-февраль ойлари эди. Жамоадаги ички муҳит яхши эмас, нима қилишим кераклиги ҳақида ўйлардим. Охир-оқибат, кетишим кераклигини тушундим. 2014 йилда ЕЧЛда ғолиб бўлгач, жамоадан кетиш тўғрисида ўйлагандим. Эҳтимол, ўша пайт кетганим маъқул эди”.

Испания терма жамоаси

Икер Касильяснинг миллий терма жамоа миқёсидаги илк халқаро турнири “Евро-2000”га тўғри келди. Мазкур мусобақада заҳира дарвозабони вазифасини ўтаган Касильяс Сантьяго Каньисарес жароҳатлангач, Япония ва Корея майдонларида ўтган ЖЧ давомида “қизил фурия” постини қўриқлаганди. Мусобақанинг нимчорак финалида Ирландияга қарши пенальтилар сериясида 2 зарбани бартараф қилган посбон испанларни кейинги босқичга олиб чиққани билан ёдда қолган.

Касильяс “Евро-2004”да 8 та ўйинда майдонга тушди. 2008 йилги қитьа чемпионатига еса Испания терма жамоасининг сардори сифатида ташриф буюриб, ғолиб бўлди. 2010 йилги ЖЧ ва 2012 йилги Европа биринчилигида ҳам бу ҳол қайтарилди. Маълумот учун, ФИФА уни 2010 йилги мундиалнинг энг яхши дарвозабони деб топганди.

“Евро-2016”да Де Хеанинг соясида қолиб кетган Касильяс мусобақа якунида ўзининг “Твиттер”даги саҳифасига “Рэмбо: Биринчи қон 2” филмидан парчани жойлаштирди. Унда Рэмбо армияда қолиш таклифини рад қилганди. Икер видеолавҳани қуйидагича изоҳлади:

“Доим одамларнинг севгисини ҳис қилишдан фахрланаман”.

Шу тариқа у терма жамоадан кетди. Мухлислар унга бўлган миннаддорчиликларини “Твиттер”да “Раҳмат, Касильяс” хэштеги орқали ифодаладилар. 

Биласиз, танқидчилар доим топилади. “Эспаньол” дарвозабони Диего Лопес ўша йилнинг октябрь ойида берган интервьюси билан танишинг:

“Касильяс терма жамоага чақирилмаганидан ҳайрон бўлмайман. Жамоада юқори рақобат бор, шундай экан, барча учун адолатли рақобат муҳити яратилиши керак”.

“Порту”

2015 йилнинг июлида “Порту”га ўтгач, Икернинг фаолиятида турғун давр бошланди. Аммо ўтган мавсум якунида унинг ҳаётида рўй берган кўнгилсизликлардан хабарингиз бор.

Дастлаб, ўзи юрак ҳуружига учради, кейин рафиқаси Сара Карбонерада саратон аниқланди. Жуфтлик бу қийин кунларни қандай енгиб ўтганидан сизни хабардор қилгандик. Қуйида Икер ва Сара ўртасидаги муҳаббат тарихи ҳақидаги мақола билан танишишингиз мумкин. 

Икер ва Сара ўртасидаги муҳаббат: Қизни ўтказиб юборилган голда айблашган, ЖЧда хатто қирол уларга қарсак чалди 

Икер Касильяс ҳозирги кунда

Касильяс фаолиятини жорий йилнинг 18 февраль куни расман якунлади. Яқин кунларда Испания Футбол Федерацияси президенти лавозимида кўриб қолсак, ажаб эмас.

Икер Касильяс фаолиятини якунлади. У президент бўлади


Фахриддин Рўзиев таржимаси

Рейтинг: +12   

Фикрлар

+1   
25 мар 04:46:47
Ўзбеклигим фахрим
Касиляс биз сени ўйинларингни унутмаймиз Реал Мадрид ва Испания термаси учун қилган меҳнатларингни қадрлаймиз. Майли бутун дунё Буффону Нойерни зўр десин лекин шахсан мен учун дунёдаги энг кучли дарвозабон фақат ИКЕР КАСИЛЯС. Реал Мадриддан бир марта хафа бўлганман ўша Икер Касиляс жамоадан кетган пайтида.(Реал Мадрид мухлиси).
   
26 мар 01:35:01
4 ☆ RAMOS MADRID
Seni Real qadrlamagandur balki lekin Muhlislar Seni Qadrlaydi SEN QIZIL FURIYA VA QIROLLIK KLUBINI AFSONASISAN degan bo'lardim o'zini uchratib qolsam
   
25 мар 16:41:40
Islom.45
Men uzim realni muhlisi bulsam ham eng yamon kurgan muraboyim mouvrino kasilisday fudbolchini boshini yedi haqiqiy sardor edi bunaqa sardorlar zuri puyol lam zanetti maldini Ramos qolganlarini faqat tili bor
   
25 мар 11:58:56
Football
Songi 20-yillikning eng kuchli darvozaboni.
   
25 мар 11:30:49
FC CHELSEA....
Casilyas xaqiqiy sardor el classicolarda Puyol bn Casilyas qizishganlarni bosib turar edi.
Togrisi Barsa Real muxlislari xozirgi jamoangiz sardorlari bularchalik sardorlikga arzimaydi.
Puyol va Casilyas ex osha pay futboli zor edi.
   
25 мар 10:28:55
Alpamis REAl MADRID
Futbolsiz hayot zerikarli bolip qaldi go Nokisten kim bar Real madrid fanatlarina awmet
   
25 мар 10:26:35
Alpamis REAl MADRID
Men ozim Real madrid muhlisaman Iker Kasilyes Dunyanin en zor baratari edigo
   
25 мар 09:09:35
FC ARSENAL •FC BARCELONA •AC MILAN
Гарчи ашаддий ракиб вакили болсахам тан олиш кк. Касиляс дунёни энг кучли дарвозабонларидан бири эди. Реалгаям, Испания тжсигаям мехнати куп сингган.
   
25 мар 08:41:53
Dilshodbek0303
MAQOLA UCHUN RAXMAT!!!! MAVZUDAN TASHQARI BITTA ILTIMOS ADMINLARDAN. SPORT TVNIMI, YOKI FUTBOL TVNIMI ADMINLARIGA MUROJAAT QILIB KO'RMAYSIZLARMI BIZ FUTBOL MUHLISLARI UCHUN??? HECH BO'LMASA BELARUSIYA CHEMPIONATINI TRANSLYATSIYA QILIB TURISHSIN. ODAM YORILIB KETAY DEYAPTIKOO FUTBOLSIZ!!!
   
25 мар 08:41:07
Xaqiqat rost gapiradi
OAV orqali oz nutqi bilan jamoa bilan hayrlashayotgan kassilas hech qachon koz oldimdan ketmaydi. U yig'lab yubordi,aslida menga nima barsachi bolsam derdim. Lekin videoni davomini korishni hohladim. U shunday xayrlashayotgandi-ki huddi o'lishidan oldin oxirgi sozini aytayotgan odamdek edi. realni sevishini kozida yosh bilan qayta qayta aytdi. Aslida hammasiga usha el klassikolarni urushga aylantirgan maurinyo sababchi edi. Menga yoqmagan tomoni esa asosiy yetakchilar ramos,ranuldu kassilasni ajratib qoyishgandi. Jamoada aloxida guruxlar paydo bolib kassilasni birov xurmat qilmay qoygandi. Iflos maurinyo borgan kamandasida bitta yetakchini doim yoqotadi. Eng yaxshi darvozabonlardan birini,afsonani it quvlagandek quvlab yuborgandi.
   
25 мар 08:30:51
Ўзбеклигим фахрим
Ливерпуль ачиштирворди хаммангни фойдаланувчининг фикрига жавоб бериш
Мавзудан ташкари битта гап Ливерпульни мавзуси ёзилган жойда факат апл мухлисларини курайлик
Ўзинг Ла Лига мавзусида нима қиляпсан? Дейдиган одам йўқ.
   
25 мар 08:24:56
Nodirbek Real Madrid
Мен учун тарихдаги энг зўр дарвозабон бу Касиляс!!! Қачондир яна Реал рахбариятига ишга келса ажабланмайман.
   
25 мар 08:13:58
M.Joniqulov
Soʻzsiz Real ramzlaridan biri u va Raul
   
25 мар 07:36:47
Ливерпуль ачиштирворди хаммангни
Мавзудан ташкари битта гап Ливерпульни мавзуси ёзилган жойда факат апл мухлисларини курайлик
   
25 мар 05:07:54
Nodirjon Abdurasulov
Фахриддин сизга катта раҳмат !
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг