UZ

Сўнгги янгиликлар

15:28Маъруфхон Муродов: “Мухлислар Суперлига йўлланмасини кутмоқда”  0 15:25ОФК президенти Равшан Эрматовга қўнғироқ қилди  7 15:10Breaking: Бугун соат 18:00да ПФЛда йиғилиш бўлиши кутилмоқда  32 15:08Радамель Фалькао: "Кавани қаерга бормасин, кўплаб голлар уради"  0 14:16Olamsport: Нурмагомедов - Фергюсон жанги бўлиши мумкин, оғир атлетикачиларимиз йиғинга йўл олишди  0 14:04Футзал. U-20 Осиё чемпионатида чорак финалчилар маълум  2 14:00Себальос Зиданга: "Жаноб, мен ҳам сиз билан ортиқ ишлашни хоҳламайман"  8 13:49Суперлига: 11-тур рамзий терма жамоаси   28 13:30Флорентино Пересдан мастер-класс!  12 13:23Галстукли Абрамов, кўзойнакли Беғамов ва Ҳайдаров. "Бунёдкор" - "Насаф" учрашувидан ГАЛЕРЕЯ  22 13:18МЮ Погба кетган тақдирда Ракитич ва Коутиньони сотиб олади  5 12:50"Фенербахче" Украина терма жамоаси футболчисини сотиб олмоқчи  0 12:45Расмий хабар: Аҳмаджоновдан кейин Омон Ғофуров ҳам ишдан бўшаш ҳақида ариза ёзди  149 12:20"Челси" футболчиси "Интерга ўтиши мумкин  3 12:19Телефон, болалар ва қизил ранг таъқиқланган Европанинг энг машҳур тўйи. Серхио Рамос уйланди  23

Афсонага айланган ўйин ҳақида Алишер Никимбаев хотиралари Янгиликлар

Афсонага айланган ўйин ҳақида Алишер Никимбаев хотиралари

Таниқли ўзбекистонлик футбол мутахассиси Алишер Никимбаев телеграмдаги ўз каналида 1996 йилги воқеани эслади.

"Ўзбекистон терма жамоаси биринчи марта 1996 йил Осиё Кубоги финал босқичида иштирок этган. Саралаш босқичида терма жамоамизнинг рақиблари Тожикистон ва Баҳрайн бўлиши керак эди. Бироқ Баҳрайн саралашда қатнашишдан бош тортди ва гуруҳда иккита жамоа қолди

Шу тариқа битта йўлланма тақдири Ўзбекистон ва Тожикистон ўртасидаги уй-сафар ўйинида ҳал бўлиши керак эди. Ўша пайтда Тожикистон терма жамоаси Ўзбекистонга тенгма-тенг рақобат қилар эди. 90-йилларда ушбу юрт терма жамоаси сафида дарвозабон Андрей Маннаников, ҳимоячи Ҳаким Фузайлов, ярим ҳимоячи Рашид Раҳимов, ҳужумчи Арсен Аваков каби машҳур футболчилар бор эди.

Ўзбекистон терма жамоасининг хорижда ўйнаётган бир қатор футболчиларида ватанпарварлик камлиги ҳақида гап сўзлар пайдо бўлгани учун Душанбедаги биринчи ўйинга жамоамиз Игорь Шквырин, Миржалол Қосимов, Азамат Абдураимов каби легионерларсиз борди.

Бундан ташқари ОФК мазкур баҳсга "ўйин тақдирини ҳал қилишга қодир" қозоғистонлик ҳакам Александр Кулаковни тайинлади. Шу боис илк учрашувда Тожикистон 4:0 ҳисобида ғалаба қозонди.

Жавоб ўйинидан олдин Ўзбекистон терма жамоаси сафига легионерлар қайтарилди. Аммо энг оптимал таркиб билан ҳам 5:0 ҳисобидаги ғалабага эришиш жуда қийин эди. Камида омад ҳам керак эди.

Жавоб ўйини Тошкентдаги МҲСК стадионида бўлиб ўтди, сабаби ўша пайтда "Пахтакор" стадиони майсаси қайта экилаётганди.

Ўйин бошидаёқ вакилларимиз 2:0 ҳисобида олдинга ўтиб олишди. Афсоналарга кўра Тожикистон бош мураббийи баъзи футболчиларининг ўйинни сотаётганини сезиб қолган. Биринчи таймнинг ўзида меҳмонлар ўзгаришларни амалга оширишди. Аммо бу билан натижага таъсир қила олишмади. Асосий вақтда 4:0 ҳисоби қайд этилди. Умумий ҳисоб тенглашгач қўшимча таймлар белгиланди. 95-дақиқада Зафар Мусабоев бешинчи бор Тожикистон дарвозасига гол урди, ўша пайтда "олтин гол" қоидаси амалда эди. Шу боис ўша заҳоти учрашув якунланди ва Ўзбекистон ўз тарихида илк бор Осиё Кубоги финал босқичига чиқди", - деб ёзади Никимбаев телеграмдаги ўз каналида.




Ўзбекистон - Тожикистон - 5:0

19.06.1996. Тошкент. МҲСК стадиони. 15000 томошабин.
Осиё Кубоги саралаши. Жавоб ўйини. Биринчи ўйин 0:4.

Ҳакам: 
Элдор Рамазонов (Туркманистон)

Голлар: Қосимов Миржалол 4 пенальти, Андреев Сергей 8, Қосимов МИржалол 33 пенальти, Шквирин Игорь 72, Мусабоев Зафар 95.

Ўзбекистон: Бугало Павел; Давлетов Февзи (Рўзимов Улуғбек, 67); Магаметов Фарход; Қосимов Миржалол; Захаров Андрей; Мамотов Эдуард; Тиллаев Олим (Усмонхўжаев Ойбек, 58); Атоян Степан; Лебедев Сергей; Шквирин Игорь; Андреев Сергей (Мусабоев Зафар, 37)

Тожикистон: Маннаников Андрей; Фузайлов Хаким; Мамажонов Шуҳрат (Климанов Владимир, 19); Пискарев Сергей; Раҳимов Рашид; Асадуллаев Анвар; Батуренко Юрий; Алидодов Умид (Жабборов Шуҳрат, 20); Ашурмамадов Алиёр (Левченко Виталий, 29); Аваков Арсен; Шарипов Фаҳриддин

Огоҳлантиришлар: Маннаников Андрей; Фузайлов Ҳаким; Раҳимов Рашид; Батуренко Юрий; Климанов Владимир
Четлатиш: Раҳимов Рашид, 92 (2СК)


Рейтинг: +23   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг