Зоир Тўрақулов: “Ҳар бир очконинг қиймати олтинга тенг”

- Айни пайтда чемпионат муҳим паллага кириб бормоқда. Шу боис қўлга киритиладиган ҳар бир очконинг қиммати олтинга тенг бўлиши шубҳасиз. Бугун биз гарчи, дуранг натижага эришган бўлсак-да, сафарда айнан олтинга тенг бўлган очкони қўлга киритдик. Айниқса, бу очко “Олмалиқ”дек кучли жамоа билан унинг майдонида катта меҳнат ва уринишларимиз эвазига ишлаб топилгани аҳамиятлидир. Шу боис йигитларга раҳмат айтаман. Шу ўринда фурсатдан фойдаланиб, клуб раҳбарияти, мураббийлар гуруҳи, футболчилар ва мухлислар номидан тажрибали ярим ҳимоячимиз Иброҳим Отахоновни туғилган куни билан самимий табриклайман.

“Бунёдкор” ва мана бугун “Олмалиқ” билан муваффақиятли ўйнаганлигимиз, йигитларимизнинг ўз кучига бўлган ишончини қайтарди ва энди бу ёғига фақат ва фақат максимал натижа учун ҳаракат бўлади. “Шўртан” албатта, Олий лигада қолиши керак.