Виталий Денисов: "Афсуски, ҳисоб кичик бўлди"
04 сен 2015 14:41
Новости

Виталий Денисов: "Афсуски, ҳисоб кичик бўлди"

Ўзбекистон терма жамоаси ҳимоячиси Виталий Денисов Яман терма жамоасига қарши ўйиндан сўнг ўз фикрлари билан ўртоқлашди.

"Айтишим мумкинки, бугун кўплаб вазиятларга эга бўлдик. Бироқ улардан фойдалана олмадик. Бунга сабаб балки бир-биримизни тушунмаганимиздир, балки асаблар. Лекин, 90 дақиқа давомида ўйин боришини назорат қилиб бордик. Рақибга ўйин берганимиз йўқ. Умуман олиб қараганда, ўйинни ёмон ўтқазмадик. Афсуски, ҳисоб шундай кичик бўлди.

Янги бош мураббий ҳақида фикрларим? Мураббийни фақат табриклашим мумкин. У билан илк маротаба ишлашим. Умуман, мураббийлар борасида ҳеч қачон фикр билдира олмайман.

Филипиннга қарши ўйин ҳозирданоқ бошланади. Бугунги ўйинни таҳлил қилиб, ўрганиб чиқишимиз лозим", - дейди Виталий Денисов.