Венгер 3 та ўйинга дисквалификация қилинди ва 40 минг фунт жаримага тортилди

68 ёшли франциялик мутахассис “Вест Бромвич”га (1:1) қарши беллашувдан кейин ҳакамлар шаънига номақбул гапларни гапирган. Финал ҳуштаги чалингач, ҳакамлар ечиниши хонасига кирган мураббий ўзини мутлақо номақбул тутган ва ҳакамлар томон “илиқ” фикрларини йўллаган.

Шу сабаб Венгер “канонирлар”ни кейинги учта учрашув – “Ноттингем Форест,” “Челси” ва “Борнмут”га қарши ўйинларда учрашувни майдон четидан кузата олмайди. Аммо у стадиондан туриб ўйинни томоша қилиши мумкин.

Бундан ташқари мураббий 40 минг фунт миқдорида жаримага ҳам тортилди. Шунингдек, мураббийи “Челси”га қарши (2:2) баҳсан кейин ҳакамлар ҳақидаги фикрлари учун АФА мураббийдан тушунтириш талаб қилган ва уни янада қаттиқроқ жазолаши ҳам мумкин.