Вадим Абрамов: “Ҳожимирзаев терма жамоада ўйнай олади”

Ўйин ҳақида

- Яхши ўйин бўлди. Қизил карточкагача ва қизил карточкадан кейинги ҳолатларда фарқ бўлди деб айтиш мумкин. “Сурхон” жамоаси очиқ футбол ўйнади, биринчи голни уриб олганимиздан сўнг уёғига бизда бўш ҳудудлар кўпроқ юзага келди.

- Кожо бугун гол ура олмади, шунингдек ўйин давомида сариқ карточка олди. Бу борада фикрингиз қандай?

- Тўғри, бугунги ўйин билан ҳисоблаганда Кожодаги карточкалар сони 4 тага етди ва дисквалификацияга учрайди. Навбатдаги ўйинни ўтказиб юборишига тўғри келади.

- Анваржон Ҳожимирзаев Суперлигадаги 9-голини урди. У ҳозир чемпионатда тўпурлар жадвалида етакчилар қаторида турган маҳаллий футболчи. Миллий терма жамоадан чақирув олишга муносибми сизнингча?

- Бу саволнинг жавобини мен билмайман. Бу савол терма жамоа бош мураббийига берилса, тўғри бўларди. У ҳақиқатдан ҳам ажойиб ўйин намойиш этаяпти.

- Шахсий фикрингизча, Ҳожимирзаев терма жамоа даражасидаги футболчими?

- Албатта, бунга шубҳа йўқ. Унинг ҳозирги даражаси терма жамоа талабига жавоб беради.

- Ҳислат Халилов кетма-кет чиройли голларни киритмоқда. Бу ҳақида фикрингиз қандай?

- Ҳислат Халилов ҳам терма жамоага номзод футболчи. У ўйинлар давомида кутилмаган зарбаларни йўллайди ва дарвозани ишғол қилади. Бугун ҳам чиройли гол киритди.