Вадим Абрамов: «Астана»га ўзбекистонлик футболчилар келиши мумкин»

- «Астана» - жиддий клуб, уни олдига катта мақсадлар қўйилмоқда. Клуб Европа лигасига йўлланма олган, шу боис кўплаб мураббийлар бу ерда ишлашни исташади.

- Таклифни қанча ўйладингиз?
- Умуман олганда кўп ўйлаганим йўқ, шундай бўлдики менинг ва клубнинг фикри бир жойдан чиқди.

- Ҳозир «Астана»нинг ўйини ҳақида нимадир дея оласизми?
- Мен «Астана»нинг «Актобе» билан ўйинида бўлгандим, шунингдек клубнинг ўйинларини интернет орқали томоша қилдим, шу боис умумий тасаввурга эгаман. Яқинда йиғиламиз, йигитлар билан танишамиз. Менимча иш бошлаганимдан 1 ой ўтиб футболчиларнинг имкониятларини билиб олсам керак.

- Интернетдаги хабарларга кўра сизнинг севимли услубингиз 4-4-2 экан. «Астана» кейинги йил 2 ҳужумчи билан ўйнайдими?
- Интернетда доим ҳам тўғрисини ёзишмайди, аммо икки ҳужумчи бўлиши аниқ, мен ҳужумкорликни яхши кўраман. Мени жамоаларим доим ҳужум қилишади. Тактика эса футболчилардан келиб тузилади.

- Клубга Ўзбекистондан футболчилар келиши мумкинми?
- Келишса ҳам кўп эмас. Менга ким ўйнашини фарқи йўқ, шунчаки фақат ўйинларини томоша қилган легионер футболчидан кўра ўзинг билан футболчини олиб келган яхшироқ.