Томас Тухель Андорра ва Сенегалга қарши ўйинлар учун Англия терма жамоасига чақирилган 26 нафар футболчи номини айтди. Улар орасида Тоуни ҳам бор

29 ёшли Тонининг Англия терма жамоаси сафидаги олтинчи ва сўнгги учрашуви Евро-2024 финалида Испанияга қарши баҳсда бўлганди. Тоуни терма жамоага чақирувни "Ал Аҳли" сафидаги ажойиб ўйинлари эвазига қўлга киритди. Ҳужумчи бу мавсумда 42 ўйинда 28 та гол урди.

"Реал" ярим ҳимоячиси Жуд Беллингем ҳам елкасидан операция қилинишига қарамай, Тухалдан чақирув олди. Шунингдек, Тухель июнь ойида Клублар ўртасидаги ЖЧга ўз клублари билан борадиган бошқа бир қатор футболчилар, жумладан Ҳарри Кейн, Коул Палмер ва Конор Галлахерни ҳам чақирди.

Аарон Рэмсдейл, Бен Уайт, Марк Гехи, Жарелл Куанса, Тино Ливраменто, Адам Уортон, Мэйсон Маунт, Маркус Рэшфорд ва Доминик Соланке кабилар четда қолиб кетди.

Эслатиб ўтамиз, англияликлар 7 июнь куни ЖЧ-2026 саралаши доирасида Андорра билан меҳмонда майдонга тушса, уч кундан кейин Ноттингемда Сенегал билан ўртоқлик учрашуви ўтказади.

Дарвозабонлар: Жордан Пикфорд ("Эвертон"), Дин Ҳендерсон ("Кристал Пэлас"), Жеймс Траффорд ("Бёрнли").

Ҳимоячилар: Трент Александер-Арнольд ("Ливерпуль"), Дэн Бёрн ("Ньюкасл"), Трево Чалоба, Леви Колуилл, Рис Жеймс (барчаси – "Челси"), Эзри Конса ("Астон Вилла"), Майлс Льюис-Скелли ("Арсенал"), Кайл Уокер ("Милан").

Ярим ҳимоячилар: Жуд Беллингем ("Реал"), Эберечи Эзе ("Кристал Пэлас"), Конор Галлахер ("Атлетико"), Морган Гиббс-Уайт ("Ноттингем Форест"), Жордан Ҳендерсон ("Аякс"), Кёртис Жонс ("Ливерпуль"), Коул Палмер ("Челси"), Деклан Райс ("Арсенал"), Морган Рожерс ("Астон Вилла"), Энтони Гордон ("Ньюкасл").

Ҳужумчилар: Ҳарри Кейн ("Бавария"), Нони Мадуэке ("Челси"), Букайо Сака ("Арсенал"), Айвен Тоуни ("Ал Аҳли), Олли Уоткинс ("Астон Вилла").