Темурхўжа Абдухолиқов: "Гол урганимдан жуда хурсандман"

Биз Хорватияда гол урган биринчи ўзбекистонлик футболчи билан боғланиб Хорватиядаги дастлабки голи билан табрикладик.

"Албатта бундан жуда хурсандман. Клуб сафидаги биринчи расмий голимни урганимдан мамнунман", - деб гап бошлади Темурхўжа Абдухолиқов.

"Задар" клуби ўртамиёна жамоа экан. Лекин яхшигина қаршилик кўрсатди. Учрашув осон кечгани йўқ. Бу ердаги ҳар бир ўйин қийин ўтмоқда. Чемпионат савияси шунга яраша ўсиб бормоқда".

"Ўйиндан сўнг бош мураббийимиз мени табриклади. Яхши ўйин кўрсатдинг деди".

"Жамоанинг мақсади Еврокубокларга йўлланма олиш. Шахсий мақсадга келадиган бўлсак ҳеч қачон мавсумда бунча гол ураман демайман. Фақат олдинги йиллардан ўйиним, натижаларим ва умуман ҳамма жабҳада яхшиланиб боришига интиламан. Энг асосий мақсадим шу".

"Championat.asia ўқувчиларига саломимни етказинг. Сайтнинг доимий ўқувчисиман. Мени қўллаб-қувватлаётганларга миннатдорчилик билдираман", - дейди "Хайдук" клуби ҳужумчиси Темурхўжа Абдухолиқов "СА"га берган интервьюсида.


Нарзулла Сайдуллаев суҳбатлашди.