Темур Турдиев: "Биринчи ўйин доим қийин ўтади"
25 мар 2021 15:34
Новости

Темур Турдиев: "Биринчи ўйин доим қийин ўтади"

Про лиганинг 1-туридан ўрин олган "Арал Самали" - "Шўртан" (3:1) учрашувидан кейинги матбуот анжуманида мезбонлар бош мураббийи Темур Турдиев ва учрашувнинг энг яхши футболчиси Азамат Алланиязов иштирок этди.

- Клуб номи "Арал Самали" деб номланади. Бу қандай пайдо бўлган?
- 2016 йил клуб қайтадан ташкил этилганди. Ўша пайтдаги раҳбаримизнинг тавсияси билан қўйилган ном.

- Доим биринчи ўйин қийин ўтади. Бугун футболчиларимда босим бор эди. Шунга қарамай ўйинга яхши тайёрландик, ҳеч бир вазиятда рақибга ютқазмадик. Шогирдларимга раҳмат айтаман. Улар охиригача курашишди.

- Таркибимизда Нодиржон Нурматов ва Умид Қурбонов бошқа жойдан келишган. Қолган барча йигитлар ўзимиздан.

- Айни пайтда "Турон" стадиони майсаси Про лига талабларига жавоб бермайди. У ерда иш бошлаб юборилган. Ўтган йил ОФК ёрдамида дунё стандартларига мос бўлган мана шу стадион қуриб берилди. Ҳозирча мана шу стадионда ўйнаб турамиз.

- Кейинги турни "Хоразм"га қарши ўйнаймиз. Ростини айтсам ҳозиргача бор эътиборимизни "Шўртан" билан баҳсга қаратгандик. Мана энди "Хоразм" билан баҳсга тайёргарликни бошлаймиз, - дейди Темур Турдиев.

"Кўп йилларда Ўзбекистон юқори лигасида ўйнадим. Ўтган йил клуб олдига юқори лигага олиб чиқиш мақсади қўйилди. Шу боис "Арал Самали"га келим жамоага ёрдам беришга ҳаракат қиламан. Худо хоҳласа келажакда клубни Ўзбекистон Суперлигасига олиб чиқамиз.

Майдон ҳолати яхши. Барча йигитлар маза қилиб ўйнади, - дейди Азамат Алланиязов.

Ссылка :

Источник : championat.asia

Получайте новости прямо в Telegram!

Рейтинг: +4