Сульшер "Лестер" футболчисини МЮда кўрмоқчи

Манбанинг маълумот беришича, 26 ёшли футболчи ўзига узоқ муддатлик қизиқиш билдирадиган жамоага ўтмоқчи. Қўшимча қилинишича, Магуайр еврокубокларда иштирок этадиган ва чемпионлик учун курашадиган клубга ўтишни хоҳламоқда.

Хабарда айтилишича, бош мураббий лавозимини бажарувчи Оле-Гуннар Сульшер МЮ раҳбариятини Магуайрни сотиблишга ва жамоа ҳимоя чизиғини айнан Гаррининг атрофида қуришига ишонтирган.

Гарри Магуайр 2018 йил "Лестер" билан 2023 йилгача мўлжалланган янги шартнома тузган. Унга кўра, ҳимоячининг ҳафталик маоши 140 минг фунт атрофида.

Жорий мавсум Магуайр "тулкилар" таркибида 26та ўйин ўтказди ва 3та гол урди.