"Спартак Тошкент" - финалда!
18 авг 2017 15:47
Новости

"Спартак Тошкент" - финалда!

Ўзбекистоннинг "Спартак" клуби Хитойдаги халқаро мусобақада финалга чиқишга муваффақ бўлди.

Шеньянг шаҳрида ўтаётган "Gothia Cup" мусобақасида дунёнинг кўплаб мамлакатларидан келан жамоалар қаторида Сергей Арслонов бошчилигидаги Тошкентнинг "Спартак" жамоаси ҳам иштирок этмоқда.

"Спартак" бугун мусобақанинг ярим финалида Хитой "Ксинминг" клуби қарши майдонга тушиб 2:0 ҳисобида ғалабага эришиб ҳал қилувчи баҳсга йўл олди. Голларга Муҳаммадали Ўринбоев, Жамшид Тоиржонов муаллифлик қилишди. Финалда "Спартак" Урумчи клубига қарши ўйнайди. Рақиб футболчилариниг ёши бир ёш катта эканлигини ҳам қўшимча қилиш лозим.

Ўзбекистон шарафини муносиб ҳимоя қилаётган "Спартак Тошкент" клуби йигитларига финалда ҳам омад тилаймиз! Юртимизга кубок билан қайтишларига тилакдошмиз!