Сересо "Барселона"га қарши баҳсдан олдин спортни сиёсат билан аралаштирмасликка чақирди

Сересо бу ҳақда "Барселона"га қарши бўлиб ўтадиган ЛаЛиганинг 8-тур учрашувидан олдин айтди.

"Барселона" президенти Бартомеу ҳам Мадридга келади ва ҳар доимгидек президентлар иштирокида расмий тушлик ташкил этилади. Мухлисларимиз спорт ва сиёсат бошқа-бошқа соҳалар эканлигини тушунишади деб ўйлайман" - дейди Сересо.

1 октябрь куни Каталонияда ушбу автоном жамоатчиликнинг Испаниядан ажралиб чиқиши бўйича референдум бўлиб ўтди. Овоз берувчиларнинг 90%дан ортиғи Каталония мустақиллигини исташган. Шундан сўнг, агар Каталония мустақилликка эришса "Барселона" қаерда ўйнаши мумкинлиги ҳақида саволлар келиб чиқди.

"Атлетико" ва "Барселона" ўртасидаги баҳс 14 октябрь куни бўлиб ўтади.