Саудия Арабистонининг 6 нафар футболчиси жазоланди, "Ал Насср" дарвозабони 5 ойга четлатилди
13 фев 2024 21:45
Новости

Саудия Арабистонининг 6 нафар футболчиси жазоланди, "Ал Насср" дарвозабони 5 ойга четлатилди

Шунингдек, яна бир неча футболчига молиявий жазо қўлланилган.

Саудия Арабистони футбол федерацияси "Ал Насср" дарвозабони Наваф Ал Ақидини Осиё кубоги арафасида терма жамоадан четлатилишидан аввалги воқеалар туфайли беш ойга дисквалификация қилди ва 300 минг Саудия реали миқдорида жаримага тортилди.

Эслатиб ўтамиз, Ал Ақиди терма жамоа сафида асосий таркибда ўйнаши лозимлигини маълум қилган ва Манчини томонидан терма жамоа сафидан четлатилганди. Шунингдек, унинг WhatsApp иловаси орқали жамоа маъмурларини ҳақорат қилгани исботланди.

Шунингдек, Салмон Фараж терма жамоанинг 2023 йилнинг октябрида Португалиядаги йиғинида қатнашишни хоҳламагани учун 100 минг риал (27 минг АҚШ доллари) жаримага тортилди.

Султон Ғаннам Манчинидан Осиё кубогидан олдинги йиғинда иштирок этмасликка рухсат сўрагани учун 200 минг риал (54 минг АҚШ доллари) жаримага тортилди.

Муҳаммад Маран, Холид Ғаннам ва Али Ҳазози Осиё кубоги учун якуний руйхатдан жой олмагач, терма жамоа йиғинини тарк этганликлари учун 200 минг риал (54 минг АҚШ доллари) жарима ва 1 ой дисквалификация қилинди.

Ссылка :

Источник : Al Ittihod

Получайте новости прямо в Telegram!

Рейтинг: +16