Санжар Шоаҳмедов: “Селангор” Малайзиянинг топ жамоалари сирасига киради”
11 мар 2020 22:22
Новости

Санжар Шоаҳмедов: “Селангор” Малайзиянинг топ жамоалари сирасига киради”

Ҳамюртимиз Санжар Шоаҳмедов тўп тепаётган Малайзиянинг “Теренггану” жамоаси чемпионат доирасида 4-тур учрашувини “Селангор”га қарши ўтказди.

Баҳсда томонлар жанговар 3-3 ҳисобидаги дурангга имзо чекишди. Ўзбекистонлик футболчи ўйиннинг 64-дақиқасида рақиб дарвозасини ишғол қилди. Махоратли ярим ҳимоячи баҳсдан сўнг фикрларини билдирди.

“Бугунги ўйинни ўз майдонимизда ўтказдик. Рақибимиз “Селангор” Малайзиянинг топ жамоаларидан бири ҳисобланади. Икки жамоа учун ҳам қизиқарли ва муросасиз баҳс бўлди дея оламан. Чемпионатнинг энди учинчи тури тугади. Ҳозирда тўрт очко билан олтинчи ўринда кетмоқдамиз. Ўйлайманки, бу ҳали бошланиши. Биз юқори поғоналарни истаймиз. Ҳаммаси олдинда. Менимча, дуранг адолатли натижа бўлди. Ғалаба қозониш истагида майдонга тушгандик, лекин якунда дуранг қайд этилди. Ишлашда ва хатоларимизни тўғирлашда давом этамиз”, дейди Шоаҳмедов.

Абдулазиз Искандаров ёзиб олди

64' | GOL SANJAR!@FCTerengganu menyamakan kedudukan sekali lagi di Gong Badak. @FCTerengganu 2-2 @FASelangorMy #CIMBLigaSuper2020 #TERSEL #MFLLive pic.twitter.com/45mxpg8dFz
— MFL LIVE (@MFL_Live) March 11, 2020