Руслан Аҳмедов: "Ўйинда устунлик қилганимизга қарамасдан, қўшимча дақиқаларда гол ўтказиб юбордик"
11 мая 19:22
Новости

Руслан Аҳмедов: "Ўйинда устунлик қилганимизга қарамасдан, қўшимча дақиқаларда гол ўтказиб юбордик"

Про лиганинг 7-туридан ўрин олган "Хоразм" - "Арал" (0:1) учрашувидан сўнг мезбонлар бош мураббийи Руслан Аҳмедов матбуот анжуманида иштирок этди.

- Ўйин ҳақида

- Ўйин оғир бўлди. Ўйинни назорат қилдик дея оламан. Рақибни ғалаба билан табриклайман. Ўзимнинг жамоам ўйини ҳам ёмон эмас. Курашувчанлик бўйича чемпионатда энг кучлилардан биримиз деб ўйлайман. Бугун мағлубиятга лойиқ эмас эдик. Кўп вазиятлар яратдик, стандарт вазиятдан дарвоза тўсинини пойладик. "Арал" эса битта имкониятдан фойдаланиб кетди.

- "Арал" жамоаси тобора "Хоразм" учун ноқулай рақиб бўлиб бормоқда. Бугунги учрашувда "Хоразм" тўлиқ устунлик қилди, аммо нега бугун жамоангиз мағлубиятга учради?

- Бундай ўйинлар бўлиб туради. "Арал"ни биз учун ноқулай рақиб деб айта оламан. Қандай ўйин бўлганини ўзингиз кўрдингиз. Вазиятлар яратиш қийин бўлди ва асосан вертикал футболга таянган ўйин бўлди. "Арал" вазиятидан фойдаланди ва гол урди. Аламли мағлубият бўлди.