Роналдунинг "Реал"га қайтиши истисно этилди. Испан клуби жамоа муҳитига таҳдид солувчи ўйинчилар билан шартнома имзоламайди

Форвард ўтган ёзда Мадрид клубига қайтишни орзу қилганди. "Ювентус"дан кетишни хоҳлаган португалиялик "Реал" раҳбарлари билан алоқага чиққан ва ўз хизматларини клубга таклиф этган эди, аммо испанлар бундай вариантни кўриб чиқишмади ва Криштиануни таклиф қилишмади.

Натижада, Роналду "Ювентус"дан "Манчестер Юнайтед"га ўтди.

"Реал" ўтган ёзда рад жавобини берганидан сўнг Криштиану ва клуб раҳбарияти ўртасидаги муносабатлар совуқлашди. Форвард ҳозирда "Манчестер Юнайтед"дан кетмоқчи, "Реал" ва ҳужумчининг вакиллари ўртасида алоқа бўлгани йўқ. Бунинг яқин кунларда бўлиши ҳам кутилмаяпти.

"Реал" бир қанча вақт олдин трансфер стратегияси ишлаб чиқди ва уни ҳар қандай ўйинчи сабаб ўзгартирмайди. Ҳозирда испан клубидаги муҳит бир футболчидан кўра юқори қўйилган.

"Реал"га ўтишдан бош тортиб, ПСЖ билан шартномасини узайтирган Мбаппенинг вазияти клубни жамоа муҳитига таҳдид солувчи ўйинчилар билан шартнома имзолаш керак эмас деган фикрини тасдиқлади.