"Реал" Моратани камида 90 млн. еврога сотади
07 июл 2017 10:29
Новости

"Реал" Моратани камида 90 млн. еврога сотади

"Реал" раҳбарияти ўз ҳужумчиси Альваро Мората трансферидан камида 90 млн. евро ишлаб олмоқчи.

Маълумотларга кўра, "Реал" бу маблағнинг 80 млн. еврони тезда ўз ҳисобига ўтказиб олмоқчи, шу билан бирга "Қироллик клуби" яна 10 млн. евро бонусга умид қилмоқда. Мората хизматларига "Манчестер Юнайтед" қизиқиш билдирмоқда.

"Қироллик клуби"дагилар Испания терма жамоаси футболчисининг ўйинидан мамнун ва у билан хайрлашиш истагида эмаслар. "Қаймоқранглилар" бош мураббийи Зинедин Зидан Моратага унга ишонч билдираётганини айтган. Футболчининг илтимосига кўра, клуб унинг трансфери борасида музокаралар ўтказишга рози бўлди, аммо нархни пасайтирмоқчи эмас.

Олдинроқ, Мората "Манчестер Юнайтед" билан шартнома борасида келишувга эришгани эълон қилинган эди.

Ссылка :

Источник : AS

Получайте новости прямо в Telegram!

Рейтинг: +5