"Реал Мадрид"ни ЕЧЛ финалига Анчелоттининг ўғли олиб чиқди
09 мая 2024 23:22
Новости

"Реал Мадрид"ни ЕЧЛ финалига Анчелоттининг ўғли олиб чиқди

"Реал Мадрид" клуби Хоселунинг голлари эвазига Европа Чемпионлар лигаси ярим финалида "Бавария"ни мағлуб этди.

Испан гранди мураббийлар штаби жамоа ютқазаётган бир пайтда кутилмаган ўзгариш қилишга қарор қилди: ўзгача услубга эга Родриго захирага олиниб, унчалик омади чопмаётган ҳужумчи Хоселу майдонга туширилди.

Бу кўпчилик учун қийин паллада кутилмаган қарор бўлиши мумкин, бироқ испаниялик форвард қисқа вақтда дублга эришиб, жамоасини финалга олиб чиқди.

Қизиқ томони, Хоселуни майдонга тушириш қарори "Реал" бош мураббийи Карло Анчелоттидан эмас, унинг ўғли Давиде Анчелоттидан чиққан. Буни бир неча инсайдерлар, жумладан, шахсан гувоҳ бўлган Кларенс Зеедорф тасдиқлади. Карло Анчелотти эса ўғлининг қарорига қаршилик қилмаган ва муҳим паллада ишонч билдирган. Натижада, "Реал" кетма-кет иккита гол уришга муваффақ бўлди.

Ссылка :

Источник : AS

Получайте новости прямо в Telegram!

Рейтинг: +30