Расман: Лэмпард "Эвертон" бош мураббийи этиб тайинланди
31 янв 2022 19:06
Новости

Расман: Лэмпард "Эвертон" бош мураббийи этиб тайинланди

Англиянинг "Эвертон" клуби Фрэнк Лэмпардни бош мураббий этиб тайинлаганини эълон қилди.

43 ёшли мутахассис 2024 йилнинг июнигача мўлжалланган шартномага имзо чекди.

Лэмпард 2021 йилнинг январида "Челси"дан ишдан бўшатилганидан бери бир йилдан кўпроқ вақт давомида ишсиз эди.

У аввалроқ "Кристал Пэлас", "Астон Вилла" ва "Норвич" клублари билан музокаралар олиб борган, бироқ турли сабабларга кўра, ушбу клубларнинг бирортасига мураббий сифатида тайинланмаганди.

"Эвертон" 20-турдан кейин 19 очко билан АПЛ турнир жадвалида 16-ўринда бормоқда. Клуб 16 январь куни Рафаэль Бенитесни истеъфога чиқарганди.