Рамос "Реал" футболчилари танқид қилинган постга лайк қўйди

"Эл-Классико"даги йирик мағлубиятдан (1:5) сўнг, испаниялик ҳимоячи "Қироллик клуби" футболчилари танқид қилинган постга лайк қўйди.

"Етар, бас. Бу нима? Сизлар қайси клуб футболкасини кияётганингизни биласизми? Эсингиздами? Нега Куртуа дарвозамизни қўриқлаяпти? У посбонлигини биладими? Тибодан фойда йўқ. Ҳимоя йўқ - Начо жуда ёмон формада, Варан жаҳон чемпиони бўлганидан сўнг нима қилишни билмаяпти.

Фақат Марсело ва Рамос нимадир қилишди, бироқ улар ҳам ҳимояда хатоларга йўл қўйишди. Ярим ҳимоя? Бундай позиция йўқ. Ҳужум? Ҳужум ҳам ярим ҳимоядек. Мураббий. Уни ҳайдашади. Футболчилар хоҳишсиз ўйнаётгани туфайли бу нарсалар рўй берди. Улар майдонда шунчаки югуриб юришибди. Давом эттиришни истамайман, акс ҳолда бу жамоанинг муаммоларига тўла катта постга айланиб кетади" - дейилади постда.

Эслатиб ўтамиз, "Эл-Классико"даги мағлубиятдан сўнг "Реал" раҳбарияти Хулен Лопетегини истеъфога чиқарди.