Қозоғистон термаси матбуот котиби: "Ўзбекистонга кўчиб кетаман"
06 июн 02:49
Новости

Қозоғистон термаси матбуот котиби: "Ўзбекистонга кўчиб кетаман"

Қозоғистон термаси матбуот котиби Ермухаммед Маулен мамлакати бош жамоаси Беларусга мағлуб бўлган пайтида Ўзбекистон термасининг жаҳон чемпионатига чиққани ҳақида гапирди.

"Беларусга қарши ўртоқлик ўйинининг 31-дақиқаси, биз 0:2 ҳисобида мағлуб бўляпмиз. Ғалати хатолар қиляпмиз. Стадионда ўтирар эканман на кулишни, на йиғлашни биламан. Менимча кулиш керак, чунки бу йиғлагандан кўра яхшироқ. Чунки Сизларга янгилигим бор: Ўзбекистон термаси жаҳон чемпионатига йўлланма олди, мундиалга! Ўзбек оғаларни табриклайман. Энди эса солиштириб кўришингиз мумкин: бизнинг футбол қаерда-ю, ўзбек футболи қаерда? Бир марта подкастда айтгандим, нега бизникилар ўзбек футболи биздан ўтиб кетганини тан олгимиз келмайди? Ўзингизга ҳулосалар чиқаришингиз мумкин, биз Беларусга 0:2 ҳисобида мағлуб бўляпмиз, Ўзбекистон жаҳон чемпионатига чиқмоқда. Фикримча, термамиздаги бирорта футболчи гол уришни истамаяпти. Бунга қандай чидаш мумкин? Бўлди, Ўзбекистонга кўчиб кетаман", - деб ёзади Маулен.

Беларусь - Қозоғистон баҳси 4:1 ҳисобида якунланди. Ўзбекистон термаси эса БАА майдонида дуранг қайд этиб, 2026 йилги жаҳон чемпионатига йўлланма олди.

Ссылка :

Источник : sports.kz

Получайте новости прямо в Telegram!

Рейтинг: +57