Қирғизистон футзал терма жамоаси бош мураббийи: "Ўзимиз йўл қўйган хатоларимиз сабабли мағлуб бўлдик. Осиё кубогида Японияни мағлуб этганимиздан сўнг босимни ҳис қилдик"

- Ўйин ҳақида

- Икки жамоа ҳам жуда яхши ўйин ва сифатли ўйин намойиш этишди. Бизнинг хатоларимиз каттароқ эди ва шу сабабли бугун мағлубиятга учрадик.

- Қандай хатоларни таъкидлаб ўта оласиз?

- Рақибимиз йўқ жойдан голлар уриб кетди. Уч голда ҳам хатоларга йўл қўйдик.

- Ўзбекистон терма жамоасининг Жаҳон чемпионатидаги иштироки ҳақида гапириб ўтсангиз?

- Ишончим комилки, Ўзбекистон терма жамоаси муносиб ўйин намойиш этишади. Кўпгина учрашувларда ғалаба қозонишига ишонаман.

- Сўнги Осиё кубогида Қирғизистон терма жамоаси ўзининг даражасидан пастроқ натижа қайд этди ва Жаҳон чемпионати йўлланмасини бой берди. Асосий вазифа бажарилмади. Энди яқин келажакдаги режалар қандай?

- Биз ёш футболчиларга имконият беришни бошлаб юбордик. Осиё кубогида Японияни мағлубиятга учратганимиздан сўнг босимни ҳис қилдик. Биз кейинги катта мусобақаларга тайёргарлик кўришда давом этамиз.

- Сўнгги йилларда марказий Осиё терма жамоалари футзалда яхши натижалар қайд этишмоқда ва катта ўсишга эришишди. Ўзбекистон, Қирғизистон, Тожикистон, Афғонистон терма жамоалари Осиё минтақасида кучлилар қаторидан жой олишган. Бунга нима сабаб деб ўйлайсиз?

- Менинг фикримча бу даража. Биз халқаро мусобақаларда ўзимизнинг даражамизни кўрсатиб келмоқдамиз.