Пенальтилар статистикаси: "Навбаҳор" энг кўп жабрланди, "Пахтакор" дарвозасига бирорта жарима белгиланмаган
08 апр 2021 09:16
Новости

Пенальтилар статистикаси: "Навбаҳор" энг кўп жабрланди, "Пахтакор" дарвозасига бирорта жарима белгиланмаган

Теги : "Навбаҳор" "Пахтакор"Coca Cola Суперлига-2021

Coca-Cola Суперлига 5-турининг дастлабки ўйини атрофидаги қизғин муҳокамалар давом этмоқда.

Аниқроғи, Фирдавс Норсафаров томонидан "Навбаҳор" дарвозасига белгиланган пенальти наманганликларнинг кескин норозилигига сабаб бўлди...

Шу ўринда Ўзбекистон чемпионатининг жорий мавсумидаги пенальтилар статистикасини эътиборингизга ҳавола қилишга қарор қилдик.

Реферилар ортда қолган 29 ўйинда жами 16 марта 11 метрлик нуқтага ишора қилишган. 16 пенальтидан 13 таси голга айлантирилган (Азим Аҳмедов, Станислав Андреев ва Ислом Тошпўлатов 1 тадан имкониятни йўққа чиқаришган).

Энг кўп пенальти белгиланган ўйин 2-тур доирасидаги "Локомотив" 1:2 "Навбаҳор" баҳси бўлиб, Зокир Қодир 3 марта 11 метрлик нуқтага ишора қилган эди.

Энг кўп пенальти тепган жамоа Наманганнинг "Навбаҳор" клуби бўлиб турибди. Лочинлар шу пайтгача 3 марта 11 метрлик имкониятдан фойдаланишга улгуришди. Пенальти тепиш бўйича статистика:

"Навбаҳор"	3
"Сурхон"	2
"Пахтакор"	2
"Локомотив"	2
"Сўғдиёна"	1
"Қўқон-1912"	1
"Қизилқум"	1
"Бунёдкор"	1
АГМК	1
"Андижон"	1
"Металлург"	1

Маълумот учун, қуйидаги жамоалар ҳозирча бирор марта ҳам пенальти тепмаган: "Насаф", "Машьал" ва "Турон".

Пенальтилардан энг кўп жабрланган ҳам айнан Наманган жамоаси бўлиб турибди. "Навбаҳор" дарвозасига жами 3 марта 11 метрлик жарима зарбаси белгиланган. Бу борадаги статистика шундай:

"Навбаҳор"	3
"Локомотив"	2
"Турон"	2
"Андижон"	2
"Сўғдиёна"	2
АГМК	1
"Сурхон"	1
"Насаф"	1
"Бунёдкор"	1
"Машьал"	1