ОКМК Ботирали Эргашев ўрнига "Локо" собиқ посбонини олиб келди. Клуб грузиялик ярим ҳимоячини ҳам жалб этган

Маълумотларга кўра, жамоа "Нефтчи"га йўл олган Ботирали Эргашев ўрнига "Локомотив", "Қизилқум" жамоалари собиқ посбони Жавоҳир Илёсовни олиб келган. 

Бундан ташқари, жамоа ўзбекистонлик мухлисларга таниш, бир муддат "Пахтакор"да ҳаракат қилган ярим ҳимоячи Гиорги Папавани ортга қайтарди. Шунингдек, куни кеча "Насаф" билан хайрлашган ҳужумчи Азиз Холмуродов ОКМК сафига қўшилган. 

Эшитишимизга қараганда, ОКМК тез орада легионер ҳужумчи ҳам сотиб олади.  

Аввалроқ ҳимоячи Авазбек Ўлмасалиев Олмалиқ жамоасига ўтиши ҳақида хабар берган эдик.