ОФК Кубоги-2021. Рустам Ходжаев: "Ҳозир "Насаф" ёки "Олой" ҳақида бош қотираётганимиз йўқ"

Анжуманнинг навбатдаги қисмида "Хўжанд" бош мураббийи Рустам Ходжаев ва футболчи Максим Грек қатнашди.

Рустам Ходжаев: "Эртага албатта яхши ва чиройли ўйин кутмоқдамиз. Биринчи ўйин масъулиятини барча ҳис қилиб турибди. Рақиб тажрибали жамоа. ОФК кубогида иштирок этиш кўникмаси мавжуд. Илк баҳсда фақат ижобий натижани қўлга киритишимиз даркор. Қолганини ўйиндан-ўйинга кўриб борамиз".

Максим Грек: "Бизни яхши жамоага қарши қизиқарли учрашув кутяпти. Мухлисларимизни қўллаб-қувватлаб туришади, деган умиддаман". 

- Жамоангизнинг гуруҳдан чиқиш имкониятларини қандай баҳолайсиз?
- Бу - футбол. Ҳозирдан чиқамиз ёки чиқа олмаймиз демайман. Бундай мусобақада охиригача курашиш керак бўлади. Гоҳида жамоа яхши ўйнаса ҳам натижа чиқмай қолиши мумкин. Агарда жамоам гуруҳдан чиқа олмаса бу муваффақиятсизлик ҳисобланади. Ҳаммаси биз қандай ўйнашимизга боғлиқ. Рақиблардан қўрқмаймиз, лекин ҳурмат қиламиз. Уларнинг кучидан хабаримиз бор. Ўйлайманки, мусобақада яхши ўйин кўрсата оламиз. Биз фақат эртанги баҳсни ўйлаяпмиз. "Насаф" ва "Олой" ҳақида бош қотираётганимиз йўқ.

- "Хўжанд"нинг ОФК кубогига тайёргарлигидан қониқиш ҳосил қилдингизми?
- Ҳа. Жамоа ўз тарихида илк бор Туркияда ўқув-йиғин машғулотини ўтказди. Бунинг учун клуб раҳбарларига раҳмат айтаман. У ердаги юқори классдаги жамоаларга қарши ўртоқлик ўйинлари катта  фойда келтирди. Футболчилар тажрибасини оширишди. 

Эслатиб ўтамиз, "Олтин Аср" - "Хўжанд" учрашуви 14 май куни Тошкент вақти билан соат 21:05да бошланади.  

Алтын Асыр (Тур)

Кубок АФК. Группа F . Тур 1 14/05/2021, 21:05 2 : 2 Завершен

FK Khujand

45'

90'

Открыть в Матч-Центре