"Насаф" Азизжон Ғаниевга омад тилади
03 фев 2020 19:29
Новости

"Насаф" Азизжон Ғаниевга омад тилади

"Насаф" футбол клубининг тажрибали ярим ҳимоячиси Азизжон Ғаниев Дубайнинг “Шабаб Ал Аҳли” жамоасига трансфер қилинди.

Ўзингизга маълум, “Шабаб Ал Аҳли” ОЧЛ доирасида Тошкентнинг "Пахтакор" жамоаси билан бир гуруҳдан ўрин олган.

Азизжон Ғаниев "Насаф" футбол мактаби тарбияланувчиси ҳисобланади. У 2014 йилдан буён асосий жамоамиз таркибда ҳаракат қилиб келаётган эди. Ғаниев жамоа билан бирга бир марта Ўзбекистон Суперкубогини, уч марта Ўзбекистон чемпионатининг бронза ва Бир марта кумуш медалларини қўлга киритди.

"Насаф" футбол клуби раҳбарияти, мураббийлари ҳамда жамоамизнинг севимли мухлислари номидан Азизжон Ғаниевга келгусидаги фаолиятида омад ёр бўлишини тилаб қоламиз!, - деб ёзилади "Насаф" клуби расмий сайтида.