Москва клуби Тосун бўйича "Эвертон" билан музокаралар олиб бормоқда

Бу ҳақда 29 ёшли футболчининг отаси ва агенти Шенол Тосун хабар бермоқда.

"Дарҳақиқат, клублар ҳозирда музокаралар олиб боришмоқда, аммо ҳозирча ҳеч нарса аниқ эмас. Нима бўлишини кўрамиз", - дейди Шенол Тосун.

Тосун жорий мавсум барча мусобақаларда 7та ўйинда майдонга тушди ва умумий 164 дақиқа ҳаракат қилди. Футболчининг клуб билан тузган шартномаси 2022 йилнинг ёзига қадар мўлжалланган.