Миржалол Қосимов Суперлига тарихига кирди
01 мар 2018 19:11
Новости

Миржалол Қосимов Суперлига тарихига кирди

Айни пайтда Суперлига 1-турининг дастлабки баҳси бўлиб ўтмоқда.

Унда Навоийнинг "Қизилқум" клуби ўз майдонида Тошкентнинг "Локомотив" жамоасини қабул қилмоқда ва ҳозирча 0:1 ҳисобида амалдаги чемпионга имкониятни бой бермоқда.

Суперлига тарихидаги дастлабки сариқ карточка биринчи бўлимда кўрсатилди. Тарихий сариқ карточкани "Қизилқум"нинг 44-рақамдаги ярим ҳимоячиси Миржалол Қосимов олди. Шу тариқа, 31-дақиқада олинган карточка билан Қосимов ўз номини Суперлига деб номланган янги чемпионатимиз тарихига ёзиб қўйди.